Masamu 106:19 - Amazwi Yakwe Leza 2013

¹⁹ Yapanga icing'ombe cakwengulula na zaabu uku Holebu, nu kucipepa yacipepa.

Masamu 106:19 交叉參考

Kufuma 32:35

Caleka Yawe alenga kuti indwala ipone pa antu yayo pamulandu wakuti yalenzile kuti Aaloni ayapangile unkolanya wa mwana wa ng'ombe.

1 Kolinto 10:7

nanti kupepa tuluwi ndi vino yamwi munoyali yacisile. Cili ndi vino calembwa mu malembelo cati, “Antu yatenzi pansi kuti yalye nu kumwa pacisila yakatuka nu kucina.”

Milimo 7:41

Lyene yapanga akaluwi mu musango wakwe cipambasi wa ng'ombe, yapela impolelwa kuno kali, nga yacita ni cimulo cakuzevya milimo yaku makasa yao.

Neemiya 9:18

Nanti alino yamasile icimumbwa ca ng'ombe, cakwe munyela ni vyela, ale yakuti, ‘Wi ali Leza witu, uwatufumizye umu Eguputo!’ Nanti sile lilyo lyonsi lino yavwanzile amazwi ya misuli cuze kunuli.

Malango 9:21

Natoozile ni cintu cicya iciipe, unkolanya wa mwana wa ng'ombe wino mwapanzile ni cela, nga imoca mu moto. Alino lyene imuvungola nu kumusyuta mpaka aya ulukungu nga nsumba lukungu lulo mu kaluzi akapongolokanga kwisika lya mwamba.

Malango 9:8

Nu ku Mwamba wa Holebu kwene mwemo mwakatwisye ukali wakwe Yawe cakuti asoka mpaka cilingana nu konona mwemwe.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Malango 9:19

Nemo nakweti intete zya pa ukali ukulu wakwe Yawe, pamulandu wakuti wene wasosile kulingana nu konona mwemwe. Lelo nupya kwene Yawe uvwile kupapata kwane.