Masamu 105:9 - Amazwi Yakwe Leza 2013

⁹ ulayo uno yalaine na Abulaamu nu mulapo uno wacisile kuli Isaki.

Masamu 105:9 交叉參考

Utandiko 17:2

Namacita upangano nawe nupya ndasandulula amu mupanda wako.”

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

Galatiya 3:17

Cino nkusenula cakuti Leza wacisile upangano na Abulaamu nga alaya kufikilizya. Masunde yatangasenula upangano uwo nanti konona ulayo wakwe Leza uno wacisile kulingana pa myaka myanda ini na makumi yatatu lino Masunde yakwe Mose yatali kuti yapelwe.

Milimo 7:8

Lyene Leza wapangine na Abulaamu cipangano ca kusilamulwa kuti ciye icilangililo ca upangano. Caleka Abulaamu wasilamwile Isaki lino papisile umulungu onga kufuma lino wavilwe. Isaki wasilamwile Yakobo mwana wakwe, na Yakobo nawe wasilamwile ana yakwe ikumi na yaili, vikolwe vitu.

Neemiya 9:8

Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Kufuma 2:24

Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

2 Yamwene 13:23

Lelo Yawe lyonsi kwene wayanga na mizu apa ina Izlaeli. Wene atalondanga ukuyakoma. Lyonsi wayatuulanga pamulandu sile wa cipangano cino wapangine na Abulaamu, na Isaki, na Yakobo. Wene atatala watazyela antu yakwe foo!

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”