Masamu 103:3 - Amazwi Yakwe Leza 2013

³ Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Masamu 103:3 交叉參考

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Ezaya 53:5

Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.

Masamu 30:2

We Yawe Leza wane natinkulaizya, nga nawe watumpozya.

Yelemiya 17:14

Sungala ungazwe Mwene, uleke mpole, untuule uleke nkululwe, pano awewe we muno nkalumbanya.

Masamu 147:3

Aliwe alapozya imyenzo yakwe yayo aculisye, alayanyepela ni vilonda vyao.

Yakobo 5:15

Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Mako 2:5

Lino Yesu walola utailo wao, anena icite ati, “Mwanane, maifyo yako yelelwa.”

Mpendwa 12:13

Acino Mose nawe alaizya kuli Yawe ati, “We Leza wane, si leka apole napapata!”

Masamu 130:8

Aliwe umwisikulu alakulula aina Izlaeli uku maifyo yao.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Ezaya 33:24

Apa antu yonsi aaya umu mpanga itu, patalaya nanti wenga alailizyanya apakulwala. Alino antu yonsi nayo yalaelwa uluse apa uyi wao.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Masamu 41:8

Yakuvwanga iyati, “Walwala yakufwa, atalatala akatuke nupya apa citala.”

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Ezaya 38:17

Apakucula kwene palasungutila umutende, pano awewe sile wenga ukampususya uku vikalipe vyonsi, nupya awewe ukamfumizya uyi wane onsi.