22 Lumbanyini Yawe mwe viumbwa vyakwe vyonsi, mpanga sile yonsi mu wene wakwe. Caleka we mwenzo wane lumbanya Yawe.
We Yawe, iviumbwa vyako vyonsi vilakulumbanya, na yayo akufukilila yalakutaizya.
Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.
Lekini icintu consi icikafuta calumbanya Yawe! Lumbanyini Yawe!
Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.
Ni nyama zya mpanga nazyo kwene zimantaizyanga. Yankusa yamancindikanga kumwi ni mbuni, apamulandu wakuti namaleta amanzi umu lwanga ni nguzi mu mpanga iyumalale, kuti mpeele amanzi ku antu yane asololwe.
Lumbanyini Yawe! We mwenzo wane, lumbanya Yawe!
Yakaifya kayalowelele muno nsi, patasyala nanti wenga! Lumbanya Yawe we mwenzo wane! Endi lumbanyanga Umwene!
Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.
We mwenzo wane lumbanya Yawe! Nani kwene wensi kandumbanye izina lyakwe ilyamuzilo.
Akanwa kane kamalumbanya Yawe, na antu yonsi kayalumbanye izina lyakwe ilya muzilo amanda pe.
Lumbanyini Yawe! Lumbanyini Yawe mwe ikazi amwi yulu, mulumbanyini mwemuno mwikala apa sanzame!
