Masamu 103:21 - Amazwi Yakwe Leza 2013

²¹ Lumbanyini Yawe, mwe vita vyakwe vyonsi vya mwiyulu, mwe aomvi yakwe akacita vino wene akalonda.

Masamu 103:21 交叉參考

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Luka 2:13

Lilyo kwene kuloleka mungeli ni iumba lyuze likulu lya angeli ya mwiyulu, yalumbanya Leza yati,

Masamu 104:4

Umu muza ali muno inkombe zyako zikapitila nga ni vimbilimbili vya moto ali vino ukaomvya wa yaomvi yako.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Yoswa 5:14

Nawe amwaasuka ati, “Awe, insi ku lusansa ululi lonsi! Nemo indi pano wakwe musika mukalamba uwa vita vyakwe Yawe.” Yoswa afukama pansi afupime, nga akomela na makufi ati, “Musambazi, nene muzya kunuli. Uzye lyene icani cino ukulonda kuti incite?”

Utandiko 32:2

Lino Yakobo walola angeli apunda ati, “Pa, apa kamba ka vita vyakwe Leza.” Caleka atemela cifulo cici izina ati Maanaimu.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

2 Milandu 18:18

Mikaya atwalilila ukulanda ati, “Ale lyene uvwa vino Yawe akuvwanga! Naweni Yawe atenzi apacilimba ca wene ukwi yulu, na angeli yakwe ale imilile umu mbali.