11 Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.
Ukutemwa kwako uku sisila kwafika nu mwiyulu, icumi cako cafika nu mu makumbi.
Kufuma ku nkulo yonga kufika ku yuze akalanga mizu kuli yano akamucindika.
Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.
We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.
We muntu utange umanye ivikwelenganya umwene uwamu mpanga. Imyelenganyizizye yakwe, yaluta amano itu, wakwe vino iyulu lyasanzuka, nanti ndi vino yemba wazika.
Ndi vino iyulu lyatumpuka sana ukuluta insi, ali vino ni nzila zyane zyaluta inzila zinu apakalamba. Ni myelenganyizizye yane nayo yaluta imyelenganyizizye inu.
Namalandanga ukuti ukutemwa kwako ukwa muntaputuka nu kuti ukwakwikalilila umuyayaya, nu kutailwa kwako kwasimpa sika wi yulu.
“Uzye kwene ica cumi Leza wikalila apatali sana umwiyulu? Akalolekesya intanda mpaka nakuno zyayela ukutaitalimpila?
Ukayasungilila kunuli, nu kuyacingilila uku mapange aipe a antu. Ukayasunga umwi cele lyako, nu kuyafuntusya uku ntusi zya anisi yao.
Pano uluse lwakwe ulwa muyayaya, ulukalamba. Na ucumi wakwe nao uwa pe na pee.
