3 Amanda yane yakupita wa cunsi, nu mwili wane ukupya wa moto.
Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.
“Wene watamponyezya umoto ukufuma umupela, nga nao wiza umansolokota umu mafupa. Wene wanteya ulukose nga nalo lwamvwampwila ukunzi. Nga lyene wansya vivyo kwene, nasyala nkucula uwaca nu wila.
Aipe yalalowelela. Anisi ya Mwene yalononeka kwati amaluwa yamu nyika. Nu kusendwa yalasendwa wa cunsi.
Lyene umwili wane watiufita na fititi. Amafupa yane nayo yatiyakaya see uku ulwale kwene uu.
Amalanda yatiyalenga umi wane ukupomponteka, nu kulosya kwati kwipimpazya imyaka yane. Natintemboka pamulandu na malanda, nga namafupa yane nayo yatiyasokonteka.
Ali pakwizansya amafupa yatupu, ala watankontola amafupa.
Nkoline sile wa nyambi yakwe waini itakweti umulimo, lelo nemo ntilila amasunde yako.
Pamulandu sile wa cipyu cako, nati nsuka ndwalisya umwili wane onsi pyu, pasi pakulwala pamulandu wa kwifya kwane.
Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!
Pano wewe ciliwe cane ni linga lyane. Ali cino fwandi, apamulandu wi zina lyako, undangilile nu kuntungulula ndi muno walaila.
