Masamu 102:28 - Amazwi Yakwe Leza 2013

²⁸ Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 102:28 交叉參考

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Ezaya 65:22

Yatalakuulila umuntu muze kuti aikale mwenemo foo, nanti ukulimila yauze ayano yalye foo. Pano antu yane yalalengela pano nsi, wa miti, na asololwe yane yalasyukila vino yailimile aeneco.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Masamu 89:4

‘Ndalasika amu mupanda wako apa cilimba ca wene umuyayaya. Nu wene wako ndaukomya umu nkulo zyonsi.’”

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Yobo 10:5

Uzye amanda yako yakasila ivikasila amanda ya muntu? Nanti imyaka yako uzye ikapita ndi vino iya muntu ikapita?

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Ezaya 43:13

Endi anene kwene ukufuma na mpiti, nu ku nkolelo kwene avino ndaya namwe pee. Kusi nanti wenga angamfyombotola nupya kusi wino angaalulula vino nemo nkacita.”

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.