Masamu 10:9 - Amazwi Yakwe Leza 2013

⁹ Akayafisamila umu matesi wakwe cisama. Wene akateyamila umupina, alino ndi wamulema mu citeyo cakwe amukwetela ukutali.

Masamu 10:9 交叉參考

Masamu 17:12

Yali wakwe yacisama yano yakulonda ukundema yandepole. Yali wa twana twakwe cisama utwati tuteyamila apafisame.

Masamu 59:3

Silola! Ayayo yatiyanteyamila. Antu ya lukang'ansi yatiyantenga. Asi mulandu wakuti nani natinifya, nanti ukuluvyanya penepo cimwi, awe.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Yoane 10:12

Lelo wino walembwa sile incito, asi mucemi, nga ni mfwele zisi zyakwakwe, lino walola mumbulu ukwiza, amasya mfwele autuke. Nu mumbulu wize uleme yonga nga ni zyuze zipasike.

Zakaliya 11:3

Kulosya kwakwe yakacema kwatikuvwika, pasi pano muno yakacemelamo mwatimononeka! Kuvwika nu kung'anza kwa twana twakwe yacisama, pasi pano matesi aku Yodani yatiyononeka kuno twene tukaikala!

Habakuku 3:14

Mwemo uku nceto zinu mwalasile musika wa mpuka ya vita vyakwe, vivyo ivizile ungati icipupu ku kutusalanganya. Ala yakutuseka kwati awiya amaleta ivisuma, fwandi ala uononesi sile ku apina.

Amosi 3:4

Uzye cisama angaluluma mu mutengo ndi cakuti atazanyile cakuti aleme? Uzye mwana cisama angaluluma mu cimpinda ndi cakuti pasi cino alemile?

Ezekelo 22:29

Akama nayo yakacenjezya auze nu kuiyila vintu. Yakacuzya alanda, yakafyenga na aenyi.

Nyimbo zya ndosya 3:10

Wene watanteyamila wa cilyanyi cinsekete, wamvwangatila wakwe cisama.

Ezaya 32:7

Umuntu umutumpe inzila zyakwe iziipe. Wene akaelenganya ivyakufyengelekezya sile apina umu kuyatumpwila. Nupya akayakanya ni nsambu zyao.

Ezaya 3:15

Uzye apacani cino mwapokela antu yane insambu? Uzye umulandu cii uno mukuliila apina amasuku pa mutwe?” Ivyavwanga Umwene, Yawe Wamaka yonsi.

Mapinda 28:15

Umwene mwipe wino akateeka alanda, akoline na cisama aakung'anza, nupya wa cilyanyi icili ni nzala, icakolana ni cuuli.

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Masamu 140:5

Acilumba yanteya ulukose umu umfisolo, yanteya inkose zyakuti nkalemyeko, yika ivisiki umu nzila ivyakuti nkapumikeko.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

Habakuku 1:15

Aina Babiloni yakaiza nu kulyombeleka antu uku maswelo, ungati yakuswela inswi, nu kuyavuwila ku masumbo umu mato, nga ala yatiyazanga wakwe cimwi.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Masamu 37:14

Antu aipe yakasomola masumo yao, nu kukana malapwa yao kuti yakome alanda na apina, yayo akapita mu miyele isuma.

Masamu 109:31

Yawe akavwangila umupina, nu kumupususya kuli yao akamupingwila ukufwa.

Yobo 38:40

lino tukawatalala umu macele yao, muno tukafisama umu matesi?