1 We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?
Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!
Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!
Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?
We Yawe, uzye pacani cino wantazyela? Uzye pacani cino wamfutatila?
A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.
Icani cino ukufisama kunotuli? Utailila amacuzi itu nu ku malanda itu!
We Yawe, ala uluzango lwako lwantongamika apa mwamba ukome, ndi wamfutatila lyene nani pasi pantete.
Uzye icani cino wafisama kunondi nu kundola wa mwanisi wako?
Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!
Ndi namulonda ku katutu kuno akuombela, ala nsikumuzana kweneko. Nanti lino naya uku kayeya, nako kwene intange muzane foo, nanti ukumulola.
Yati yatufwantola pansi, iyatucimvya, tulambalile umu lukungu.
Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”
