Malango 9:18 - Amazwi Yakwe Leza 2013

¹⁸ “Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Malango 9:18 交叉參考

Kufuma 34:28

Lyene Mose aikala pamwi na Yawe kuku kwene amanda amakumi yani, musanya nu usiku, kwaula ukulya nanti cimwi. Lyene Yawe alemba pa vipampa vya mawe yaya yaili amazwi yonsi a upangano, kuli kuti amasunde ikumi.

Malango 9:9

Lino nakwezile ku mwamba ku kupokelela vipampa vya mawe ivya upangano uno Yawe wacita namwe, ali lino natenzi pa mwamba amanda amakumi yani, usiku nu musanya. Ntalile icakulya nanti kumwa amanzi.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

2 Samueli 12:16

Davidi wapapatile sana umwana wakwe kuli Leza pamulandu wa kulwala kwakwe. Davidi mpaka ata nu kulya nga aya umu ng'anda umwakwe nga alambalala pansi usiku onsi.

Malango 10:10

“Fwandi nemo natenzi pa mwamba akasanya konsi nu usiku onsi, pa manda amakumi yani wakwe vino nacisile ilyankolelo. Yawe nawe uvwile kunondi nu kuzumila ukuti atalonona mwemwe.

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Malango 9:17

Acino natoozile vipampa vya mawe vivya viili nu kuvisumba, imvitamola ale mukulola.

Malango 9:25

“Nemo naponyile pansi ala mfupime pa manso yakwe Yawe pa manda yalya amakumi yani, musanya nu usiku, pamulandu wakuti namanyile ukuti wene wavwanzile vino ali nu konona mwemwe.

1 Yamwene 19:8

Eliya nawe akatuka alya nga amwa na manzi. Ivyakulya ivimupeela amaka akupita apa manda amakumi yani, asuka afika nu ku Mwamba wa Holebu, umwamba wakwe Leza.

Ezila 10:6

Alino Ezila afuma ku Ng'anda yakwe Leza nga aingila mu muputule wakwe Yeoyada umwana umonsi wakwe Elyasyibu. Lino wene acili kweneko, atalile cakulya nanti ukumwa amanzi awe, pamulandu wakuti watwalilile ukunyunguluka pa kuntayela kwakwe yayo afumile mu uzya.