Malango 9:1 - Amazwi Yakwe Leza 2013

¹ “Uvwini kuno, mwe ina Izlaeli! Ilelo muli pipi nu kulamba Luzi lwa Yodani nu kupoka impanga umwikala antu amu nko nupya izya maka ukuluta mwemwe. Imisumba yao iikulu, nupya yakwata amalinga atali kufika nu mupela umwiyulu.

Malango 9:1 交叉參考

Malango 11:31

Mwasya mulambe Luzi lwa Yodani nu kupoka impanga ino Yawe Leza winu akumupeela. Lino mwaca mwapoka nu kwikala mwenemo,

Malango 4:38

Na lino mwayanga pa nkolelo, wene wazinzile imitundu ikulu nupya iya maka ukuluta mwemwe, pakuti amwingizye mu mpanga kwene ilya, impanga ino icili iyakwinu.

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Yoswa 1:11

“Pitini mu nsakwe zyonsi mukanene antu muti, ‘Teyanyini iposo, pamulandu wakuti ndi papita amanda yatatu, mulalamba Luzi lwa Yodani nu kuya pokolola impanga ino Yawe Leza wamupeela kuti iye iyakwinu.’ ”

Malango 11:23

lyene alino Yawe alazinga anisi inu lino mwemo mukuya pa nkolelo, nga namwe mulapoka impanga iya antu amu nko zyuze izikulu nupya izya maka ukuluta mwemwe.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Malango 3:18

“Pa nsita ilya ali lino nayapile amalamulo ya, inti, ‘Yawe Leza witu watamupeela impanga ii yaku ufumondaka wa Luzi lwa Yodani kuti mupoke amuno mwaikala. Fwandi lyene leka asilika yonsi yaipangasye nga uyatume ku mbalama ya Luzi lwa Yodani yakolelele imitundu yuze ya ina Izlaeli, kuti yakayazwilizye ukupoka impanga nu kwikala mwenemo.

Yoswa 4:19

Pa wanda uwalenga ikumi, mu mwezi wakutandika antu yalamvile Luzi lwa Yodani, iyaya yakuula insakwe mu Giligali pa mupaka waku ufumondaka wa musumba wa Yeliko.

Yoswa 4:5

nga ayanena ati, “Yangini pa nkolelo ya Mbokosi ya Upangano yakwe Yawe Leza winu, mwingile apakasi ka Luzi lwa Yodani. Cila wenga uwa munomuli alinzile ukutoola iwe nu kulisenda pa ciye, ukulingana ni mpendwa ya mitundu ya ina Izlaeli,

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Yoswa 3:14

Caleka lino antu yakuululula insakwe zyao kuti yakalambe Luzi lwa Yodani, yasimapepo asenzile Mbokosi ya Upangano iyapita iyayakolelela.

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.

Malango 27:2

Uwanda uno mulalamba Luzi lwa Yodani nu kwingila mu mpanga ino Yawe Leza winu ali nu kumupeela, muce mwimike amawe akulu, ali lino lyene mukayapomele ningo.

Mpendwa 13:22

Yapuzinkanya ukuya pita ku Negebu nu kwizafika ku Hebuloni, ukwikalanga Aiimani, Syesyai, na Talimai, amu mupanda wakwe Anaki. (Musumba wa Hebuloni wakuzilwe imyaka cinimbali lino umusumba wa Zoani uwamu Eguputo utali ukuulwe.)

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Malango 6:10

“Wakwe vino Yawe Leza winu walavile ivikolwe vinu, Abulaamu, Isaki, na Yakobo, avino wene alamupeela impanga umwaya imisumba ikulu wakwe cimwi iyapolelelwa ino mwemo mutakuuzile.

Danieli 4:11

Cimuti cici icikula, calukukula mpaka cifika nu mwiyulu nga nu muntu wensi umu nsi acilola.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Mpendwa 33:51

“Nena aina Izlaeli ukuti lino mumalamba nu kufika mu Kenani,

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Yoswa 1:15

Lino anyonko yaca yacimvya yatandika nu kwikala mu mpanga ino Yawe Leza winu alayapeela, alino lyene mulaswilila nu kuya ikala mu mpanga iyo ino Mose umuomvi wakwe Yawe wamupeela lwaku ufumondaka wa Luzi lwa Yodani.”

Yoswa 14:12

Ale lyene fwandi umpeele impanga ya myamba ino Yawe wandavile pa wanda ulya. Nupya wemwisikulu wayuvwilile pa nsita ilya ukuti aina Anaki yali kuku nu kuti imisumba yao yali ikulu sana nupya iyakuulililwa amalinga. Lelo Yawe ndi wangazwa indayazinga wakwe vino wene wavwanzile.’ ”

Amosi 2:9

“Lelo manyini ukuti nononyile aina Amoli pamulandu winu, kumwi nu wa mbezu, nanti angala yene yali atali wa miti imikelide, nanti angala yene yali na maka wa miti imioko.