Malango 8:2 - Amazwi Yakwe Leza 2013

² Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 8:2 交叉參考

Yakobo 1:3

Pano mwamanya ukuti ndu utailo winu wacimvya kweziwa konsi kwa musango uu, lyene mulakwata maka akuposya.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

2 Milandu 32:31

Nanti sile lino na alasi yaku Babiloni yatumile uku kumuuzya ivyapa cinjelengwe cimwi icacitike umu mpanga ilya, Yawe wamutazyezile apakumwezya nu kulola ivili umu mwenzo wakwe.

Kufuma 15:25

Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.

Yakobo 4:10

Muicefye mweisikulu pa manso ya Mwene, nga nawe alamutumpula.

Yoane 2:25

Nupya atalondanga kuti umwi amunene vino antu yaya, pano umwisikulu wamanya vyonsi ivyaya mu myenzo yao.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Amosi 2:10

“Mwe ina Izlaeli anene namufumizye mu mpanga ya Eguputo. Nene namutungulwile mu lwanga pa myaka amakumi yani, kuti imupele impanga ilya ya ina Amoli.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Masamu 136:16

Watungulwile antu yakwe umu matololo, pano luse lwakwe ulwa pe na pee.

Masamu 106:7

Ivikolwe vitu umu Eguputo vitatezizye ivipezyamano vyako, vitiwisye nu luse lwako uluvule, vyatalamila umucindami kuli Yemba Muyenzu.

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Masamu 77:11

We Yawe vino wacita vyonsi ivyakuzunguka, nemo namaiusyanga. Nemo namaiusyanga ivizungusyo vyako vyonsi vino wacisile mpiti.

Yobo 33:17

Ali pakuti ayafuntusye uku micitile iipe, nu kucefyanya icilumba kunoyali.

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Malango 7:18

Mutakezye ukuyoopa. Mwiusye vino Yawe wacisile kuli Falao nu ku antu yakwe yonsi.

Malango 1:33

nanti angala wene wamukolelelanga kuti amulondele cifulo pakuti mukuule insakwe. Apa kuti amulange inzila, wene wamukolelelanga mu mvumba ya moto usiku nu mu mvumba yi kumbi umusanya.

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

Kufuma 16:35

Aina Izlaeli yalyanga mana pa myaka amakumi yani, mpaka lino yafisile ku mpanga ya Kenani, kuno yaile yikala.

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Mpendwa 14:33

Ana inu nayo yalazeuluka mu lwanga pa myaka amakumi yani, nu kucula pa kutalama kwinu suka ukufika lino umuntu wensi uwa munomuli akafwe.

Yakapingula 2:22

Namaziomvyanga pa kwezya aina Izlaeli kuti indole ndi cakuti yene yakaalondela inzila zyakwe ne Yawe wakwe vino vikolwe vyao vyacitanga.”

Yakapingula 3:4

Yakwene aliyo yali nu kwezya aina Izlaeli, pakuti yalole ndi cakuti aina Izlaeli yangayela amalamulo yakwe Yawe nanti foo, yano wapile ivikolwe vyao ukupitila muli Mose.

Neemiya 9:19

Lelo wemo ku luse na mizu yako akulu utatazile uyatazyele foo, lino yali mu lwanga. Imvumba ya cunsi ci kumbi itatazile iyasye. Apa macaca ali ino yayatungululanga inzila ukwa kulungama, nga usiku cimbilimbili ca moto naco cayakozezyanga umwakupita.

Ezekelo 20:19

Nene indi Yawe Leza winu. Mwalondela amasunde yane, nu kuwaka ivipope vyane.

Malango 32:7

“Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Masamu 103:2

We mwenzo wane lumbanya Umwene, utilila nanti conga pali vino wakukwatila uluse.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’