Malango 8:14 - Amazwi Yakwe Leza 2013

¹⁴ muce musininkizye ukuti mutakaye ni cilumba nga mwilile Yawe Leza winu wino wamufumizye mu Eguputo, muno mwali azya.

Malango 8:14 交叉參考

Masamu 106:21

Yilila kuli Leza uwayakulwile, uwacisile ivintu ivikulu mu Eguputo,

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Malango 8:11

“Musininkizye ukuti mutilila Yawe Leza winu. Mutaposiwa kuyela isunde lyakwe lili lyonsi pa masunde yakwe yano nkumupeela ilelo.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

2 Milandu 32:25

Lelo Hezekiya atataizye apa usuma uno yamucitile. Cilumba cakulisye umu mwenzo wakwe. Ali cino ukali wakwe Yawe iupona pali aliwe na pa antu amu Yuda nu mu Yelusalemu kwene.

Malango 17:20

Cii, cilalesya umwene wiyo ukuitutumula pa ina Izlaeli yauze. Nupya cilamulesya ukukana yela amasunde yakwe Yawe umu nzila ili yonsi. Lyene umwene wiyo pamwi nayauze amu mupanda wakwe alamulondelela icisila yalaya yamwene mu Izlaeli pa manda avule cuze.”

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Malango 8:13

na lino ing'ombe ni mfwele zinu, na siluva na zaabu winu vyasanda kumwi na vyonsi vino mukweti,

2 Yamwene 14:10

Ali cino wemo we Amaziya, wewe wacilumba apamulandu wakucimvya kuno wacimvizye aina Edomu. Ale fwandi yame walukuyuvwa vivyo kwene mu kucimvya kwako. Nupya nkukunena wemo uwikala sile ukwako kuko kwene. Uzye pacani cino ungasonsomba ulwete ulwakuti ukailetelele sile, umu kutaila sile umu antu yako aina Yuda?”

Masamu 78:7

pakuti yataila Leza, yatailila navino wacita, yace yatontela namasunde yakwe pee.

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Malango 6:11

Amang'anda yayo mwazula ivintu visuma, vino mwemo mutatutilemo, muno mwaya ni vifula vino mwemo mutimvile, ni vyalo vya matingi vino mwemo mutalimile nga ni miolivi ino mwemo mutalemile. Lino Yawe alamuleta mu mpanga ii, ndi mwaca mwalya mwikuta,

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

2 Yamwene 17:38

Alino mutaca mukilile upangano uno twapangine namwe, nupya mutapepa tuleza tuze.

Yelemiya 23:27

Uku viloto vyao, yakalandilana nu kwelenganya ukuti yalalenga antu yane ukwilila izina lyane, ndi vino ivikolwe vyao vilile izina lyane umu kulondela Baali.

Danieli 11:12

Wene alaya ni cilumba apa kucimvya kwakwe nu kukoma asilika avule, lelo atalatwalilila ukucimvya, awe.