Malango 7:3 - Amazwi Yakwe Leza 2013

³ Mutakezye ukutwalana nayo. Mutaca muleke ana inu yakatwalile nanti ukutwalilwa kunoyali,

Malango 7:3 交叉參考

Utandiko 24:3

Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

1 Yamwene 11:2

Anaci kwene yaya yali amu mitundu ino Yawe wanenyile aina Izlaeli ati, “Mutezya ukutwalizyanya nayo, pamulandu wakuti yene yangalenga aina Izlaeli ukupepa tuleza twao.” Lelo Solomoni atatiile ukutemwa anaci amu mitundu kwene iyo.

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

Ezila 10:3

Lyene tulinzile twacita upangano na Leza uwakuti tumata anaci ya yonsi kumwi na ana yao kuti yapite. Tuli nu kucita vivyo ukulingana nu umpanda mano uno wewe na antu yauze akayela amasunde yakwe Leza mwatunena ukucita.

Ezila 9:12

Yene yatunena ukuti tutalinzile ukutwalana nayo nanti kuyazwilizya umu nzila ili yonsi. Ndi cakuti tukulonda kuilyokezya ivisuma vyamu mpanga nu kusiilako ivizikulula vitu kuti viye vyaupyanyi vya manda pe, tutaezya kucita cipangano cakwandana ucuza nayo.

Neemiya 10:30

Swemo twalaya ukuti tutalatwalizya ana itu ku inamasi aikala mu mpanga ukutuzinguluka, nupya tutalazumilizya ana itu aonsi kuti yatwale ana ya inamasi.

Yakapingula 14:3

Lelo akwasi yakwe iyamukanya yati, “Uzye mu akazi kako nu mu antu yako mutange muzanwe umukazyana wino ungatwala? Uzye pacani cino ungaya ku kutwala umwanaci uwamu ina Filisti yano yatasilamulwa?” Lelo Samusoni anena isi ati, “Ndetelini wiyo kwene, pano ali wino ntemilwe sana.”