Malango 7:16 - Amazwi Yakwe Leza 2013

¹⁶ Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Malango 7:16 交叉參考

Kufuma 23:33

Mutakaleke antu yalya ikale mu mpanga inu, ndi mwayazumilizya kwikala yalamuteya kuti mwapepa tuleza twao nga mu musango uu, yalalenga kuti mwaifya kunondi.”

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

1 Kolinto 15:33

Mutaisomba mweisikulu. Yacuza aipe yakaonona miyele isuma.

Malango 25:12

umwanaci wiyo cisi cakwezya ukumuvwila uluse. Mukamuputule sile icizanza cakwe, asyale amakunkutu.

Malango 19:21

Mutakezye ukukwata uluse, awe. Muce mwalinganya sile. Uwakoma nawe akomwe, nu watonkola umuze ilinso nawe yamutonkole ilinso, nu wakuula umuze ilino nawe yamukuule ilino, nu waputula umuze icizanza nawe yamuputule icizanza, nu waputula umuze ulwazo nawe yamuputule ulwazo.”

Malango 19:13

Cisi cakwezya ukumuvwila uluse. Mulinzile mwaswefya Izlaeli ku kuya amulandu wa utazi wa katwe, pakuti ivintu vyonsi vikamuzipile.

Malango 13:8

Lelo mutakezye ukumuvwa. Cisi cakwezya ukumuvwila uluse. Nupya asi wakucingilila.

Masamu 106:36

Yatumikila nu tuluwi twao, tuto utwayafutukile ituya wa nkose.

Malango 7:2

Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yakapingula 3:6

Yatwalananga nu kupepa tuleza twao.

Yakapingula 2:3

Acino lyene nkamunene. Ntalazinga imitundu iyo pa nkolelo inu. Yene yala anisi inu, nga kupepa tuleza twao kulaya iciteyo kunomuli.”

Mpendwa 33:55

Nga lelo ndi mwala mwakana ukuzinga aikazi ya mpanga iyo ino ili pa mbalama inu, ale lyene yano mwasya, yano mwatengela yalaya intazi kuli mwemwe. Yalaya wa ntongola mu manso inu, nupya wa myunga mu mbazo zinu. Yalamucuzya pe mu mpanga muno mulaikala.

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.

Masamu 106:34

Yakana ukulovya umutundu, wakwe vino Yawe wayapile ilamulo,

Malango 13:9

Cumi kwene mulinzile kumukoma. Wewe kwene ulinzile ukutandikilapo ukumutama iwe alino yauze yalondelelepo.