15 Yawe alamucingilila ku ndwala zyonsi. Wene atalamuletela indwala izyakoofya izili zyonsi wakwe zino mwailolile mu Eguputo, lelo wene alazileta pa anisi inu yonsi.
Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”
Nupya kwene wene alamuletela indwala zyonsi izyakoofya zino mwailolile mu mpanga ya Eguputo, nga namwe mutalatala mupole.
Yawe alamuponyezya ivipute wakwe vino waponyizye pa ina Eguputo. Alalenga ni mili inu kupuuka ivilonda. Mulakwata impele izilamusanga wakwe cimwi, lelo kutalaya icakumupozya.
Amamanyamano yatakweti maka yakulolekela ku manso yakwe Mose pamulandu wakuti nayo kwene vipute vyali umwili onsi, wakwe vino cali ku ina Eguputo yonsi.
Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.
Yawe Leza winu alaponyezya intipu zii zyonsi pa anisi inu yano yamupata nupya yano yakamuzunya.
Fwandi kutangaya nanti cimwi icingakuponela, ni syamo nalyo kwene litange lipalamile kunuli.
