Malango 7:13 - Amazwi Yakwe Leza 2013

¹³ Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 7:13 交叉參考

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 16:27

pano Tata umwisikulu wamutemwa. Wene wamutemwa pano mwemo mwantemwa nga nu kutaila vino nafumile kunoli.

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Malango 28:11

Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Malango 7:7

“Yawe atamutemilwe nu kumusolola pamulandu wakuti mwavulisye ukuluta antu yauze asyala. Mwemo mwali uluko lucepesye ku wingi pa antu yonsi pano nsi.

Masamu 11:7

Pano Yawe wakwata ulungi. Asuma yalalola pe icata cakwe.”

Aina Levi 26:9

Nkaamupolelela nu kulenga kuti muvyale ana avule cuze. Nkaasunga cipangano cane cino nacisile kunomuli.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Malango 30:5

Wene alamuwezya ku mpanga iyali ya vikolwe vinu nu kumupeela kuti iye iyakwinu. Nupya alamupeela ulongo ulwakuti mukasande ukuluta ni vikolwe vinu.

Masamu 127:3

Endi, ana aonsi icaupyanyi ukufuma kuli Yawe, ana cili cilambu citu ukufuma kunoli.

Masamu 146:8

Yawe akapeela impafu amanso, nu kukatusya yayo apona.

Mapinda 15:9

Yawe wapata imiyele ya antu aipe, lelo wene watemwa yayo akacita vyaololoke.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Yobo 1:10

Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.