11 Ali cino fwandi mwalondela vyonsi vino mwasundwa. Mulinzile kuyela amasunde yonsi yano natimupeela
“Ndi mwantemwa mwayela masunde yane.
“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.
Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.
Lelo atalasitoka ku kuvunuka yao amupata.
“Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.
“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.
“Musininkizye ukuti mutilila Yawe Leza winu. Mutaposiwa kuyela isunde lyakwe lili lyonsi pa masunde yakwe yano nkumupeela ilelo.
