Malango 6:6 - Amazwi Yakwe Leza 2013

⁶ Mutezya ukwilila amasunde yaa yano nkumupeela ilelo.

Malango 6:6 交叉參考

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Mapinda 7:3

Uyacite kwati wayanyepelela apa minwe yako nu kuyalemba umu mwenzo wako ungati api seleti.

Malango 11:18

“Ali cino fwandi mwaiusya amazwi yane yaa nu kuyasunga mu myenzo inu na muli yakampingu inu. Mwayanyepelela ku makasa inu nu kuyazwala pa mausyu inu wa mipango pakuti yangaya wa ciusizyo.

Masamu 37:31

Ilandwe lyakwe Leza, lyaya umu mwenzo wakwe. Ni ngazo zyakwe zitange zitale zisyetuke.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

Malango 32:46

alino wavwanzile ati, “Sininkizini ukuti mwayela amalamulo yaa yonsi yano namupeela ilelo. Mwasambilizya kweneko na ana inu, pakuti nayo yayela ningo amasambilizyo yonsi yakwe Leza.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Mapinda 3:5

Uwataila muli Yawe nu mwenzo wako onsi, utaezya ukutaila amano yako foo.

Luka 2:51

Caleka Yesu apita nao ku Nazaleti, kuko kuno lyonsi wali uwakutontela akwasi yakwe. Nyina wasunzile vintu vii vyonsi mu mwenzo wakwe.

Masamu 119:98

Isunde lyako lyaya nane insita yonsi nupya likaleka injeleko na mano ukuluta anisi yane.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

2 Yoane 1:2

pano icumi cili mu myenzo itu nupya cimayangamo manda pe.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

2 Samueli 22:23

Nkawaka amasunde yakwe yonsi. Nkayela amalamulo yakwe.

Malango 11:20

Muyalembe pa meema zya mang'anda inu na pa mpongolo zya misumba inu.

Masamu 119:13

Vyonsi sile vino akanwa kako kakapingula, visipuswa apa mulomo wane.

Masamu 119:30

Nasolola ukuya uwacuvwilo, nika nu mwenzo wane uku upinguzi wako.