Malango 6:3 - Amazwi Yakwe Leza 2013

³ Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Malango 6:3 交叉參考

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Milimo 7:17

“Lino insita yapalime iyakuti Leza afikilizye ulayo uno wacisile kuli Abulaamu, impendwa ya antu itu ali mu Eguputo ikulilako cuze.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Kasambilizya 8:12

Umuntu muyi nanti angatala imilandu umwanda onga, lelo wene angikala sile ningo. Endi, nemo kwene cino namanya icakuti antu yano yakaoopa Leza yene yakaya nu longo.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Yelemiya 42:6

Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Malango 8:8

Impanga iya uzombozi wa ngano na baale, na matingi, ni misamvu, ni viseekwa vya pomegeleneti, na mafuta ya miolivi, nga nu uci.

Malango 11:9

Na pakuti muce mwikale amanda avule mu mpanga ino Yawe walavile ukupeela ivikolwe vinu na amu mupanda wao, impanga iya uzombozi ukulu cuze nupya iivunde.

Malango 26:9

Ali vino watuleta kuno nu kutupeela impanga iya uzombozi ukulu cuze nupya iivunde.

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’

Malango 27:3

Lyene mukalembe penepo amasunde yaa yonsi na masambilizyo. Lino mwingila mu mpanga iya uzombozi ukulu cuze nupya iivunde ino Yawe Leza wa vikolwe vinu wamulavile,

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Masamu 119:4

We Yawe wakonkomizye ivyeo vyako ukuti vyasungwa ningo.