Malango 6:18 - Amazwi Yakwe Leza 2013

¹⁸ Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,

Malango 6:18 交叉參考

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 12:25

Ndi mutalalya uwazi, ale mwayela isunde lii, na Yawe alazanga, nga ni vintu vyonsi vilamuzipila mwemwe na amu mupanda winu.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Yoane 8:29

Wino uwantuma ali nani. Wene asinsya nenga pano lyonsi nkacita vintu vikamuzanzya.”

Ezekelo 33:19

Umuntu mwipe nawe nga watandika ukuzifya, wata ukwifya, umuntu wiyo ala alapusuka.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Ezekelo 33:16

Nemo ndamuyelela uluse apa uyi wakwe onsi uno wacisile mpiti. Alaikala nu umi apamulandu nu kuzifya kwakwe na pa kulungika kwakwe.

Ezekelo 33:14

Lelo nemo nga cakuti na ceula umwipe ukuti amafwa, nga nawe wata ukwifya, watandika nu kucita ivya ulungi ni vyaololoke,

Ezekelo 18:27

Umuntu mwipe ndi wata ukwifya, watandika nu kucita vya ulungi nupya ivisuma, ala umuntu wiyo watapususya umi wakwe.

Ezekelo 18:21

“Umuntu umwipe ndi wata ukwifya, amalondela na masunde yane yonsi, amacita ni vyaulungi nupya ivisuma, umuntu wamusango uo atalafwa foo, lelo alaya nu umi.

Ezekelo 18:5

“Umuntu uwakaele akalondela amasunde yane, akacita ni vyaololoke.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Malango 13:18

cikulu sile namwe mwayela Yawe Leza winu, nu kusunga amalamulo yonsi yano nkumupeela pilelo nu kucita ivilungame pa manso yakwe.”

Malango 12:28

Muce mwatekela nu kuyela amalamulo yonsi yano nkumupeela, nga ni vintu vyonsi vilamuzipila mwemwe na amu mupanda winu amanda pe, pamulandu wakuti mulacita icisuma icakuzanzya Yawe Leza winu.

Malango 8:11

“Musininkizye ukuti mutilila Yawe Leza winu. Mutaposiwa kuyela isunde lyakwe lili lyonsi pa masunde yakwe yano nkumupeela ilelo.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Ezekelo 18:19

“Lelo mwemo munguzya muti, ‘Uzye pacani cino umwana atangapeelwa umulandu pa kwifya kwakwe isi?’ Uwasuko aewu wakuti umwana wene wacitanga ivyaololoke nupya ivisuma. Nupya wene walondelanga ningo amasunde yane yonsi, uli mulandu kwene uno wene angikalilila nu umi.

Malango 6:19

nupya mulazinga anisi inu wakwe vino wene wamulavile.

Ezaya 38:3

“Iusya we Yawe vino nikala nkakutumikila ningo ningo, umu kukufukilila. Iusya na vino lyonsi sile nezyanga ukucita ukulonda kwako.” Awe lyene Hezekiya alila wakwe cimwi, pasi pakulila mwe!

Malango 6:10

“Wakwe vino Yawe Leza winu walavile ivikolwe vinu, Abulaamu, Isaki, na Yakobo, avino wene alamupeela impanga umwaya imisumba ikulu wakwe cimwi iyapolelelwa ino mwemo mutakuuzile.