1 Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.
Fwandi ali vino Mose wakonganike aina Izlaeli nga ayanena ati, “Mwemo mwailolile mweisikulu vino Yawe Leza winu wacisile mu Eguputo kuli Falao, na kuli yacilolo yakwe nu ku antu yakwe.
Mu lupapulo luu muli amazwi yano Mose wavwanzile ku ina Izlaeli yonsi lino yali mu lwanga lwaku ufumondaka wa Luzi lwa Yodani. Yene yali mu cifoloma ca Yodani, pipi nu ku Sufi pakasi ka musumba wa Palani ku mbali yonga nga ni misumba ya Tofeli, Labani, Hezeloti, na Dizaabu ku mbali yuze.
ukuminkanya ni mpanga yonsi iyaya lwaku ufumondaka wa Luzi lwa Yodani, ukufika na lwaku kaeya kuli Yemba wa Musilya nga nu ku uwondaka mu mutentemuko wa Mwamba wa Pisiga.
Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”
Nga nupya Mose wavwanzile ati, “Vii, ali vyeo na masunde yano mumalondelanga mu mpanga ino Yawe Leza wa vikolwe vinu watamupeela kuti ingaya iyakwinu pa manda yonsi yano muli apuma.
