Malango 4:39 - Amazwi Yakwe Leza 2013

³⁹ Acino fwandi apilelo iusyini nupya mutakezye ukwilila ukuti Yawe ali Leza umwiyulu na pano nsi. Kutaya Leza namuze foo.

Malango 4:39 交叉參考

Yoswa 2:11

Lino tuvwile cii, ituya na miiku nga imyenzo itu izakaza ku ntete pamulandu wa kwiza kwinu, pano Yawe Leza winu ali Leza ukwiyulu na pano pansi kwene.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

2 Milandu 20:6

Alino avwanga ati, “We Yawe Leza wa vikolwe vitu, uzye wewe usi uli Leza wa mwiyulu? Uzye usi wewe wateekanga nu kupingula yamwene ya mitundu yonsi iya antu? Mu minwe yako mwaya amaka nu lulumbi icakuti kusi nanti wenga angacimvyanya nawe.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.

Masamu 115:3

Ala swemo Leza witu waya umwiyulu, akacita na vyonsi vino atemilwe.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Kufuma 8:10

Falao nawe aasuka ati, “Uce umpepelele mutondo.” Mose aasuka ati, “Ndacita wakwe vino walenga, alino lyene ulamanya ukuti kusi Leza muze ali wakwe Yawe, Leza witu.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Malango 32:12

Yawe wenga sile umwisikulu ali wino watungulwile antu yakwe ukwaula ukwazwiliziwa na kaleza aka inamasi.

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.

2 Samueli 7:22

Si lola vino wacindamisya, we Yawe Simwandalali! Kusi umuntu nanti wenga angaya wakwe wewe. Nupya kutaya Leza muze suka sile wewe.

1 Milandu 17:20

We Yawe, kusi umuntu nanti wenga angaya wakwe wewe, nupya kutaya Leza muze suka sile wewe wenga mpo.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.