Malango 4:35 - Amazwi Yakwe Leza 2013

³⁵ Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Malango 4:35 交叉參考

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.

Ezaya 45:5

Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

Malango 4:39

Acino fwandi apilelo iusyini nupya mutakezye ukwilila ukuti Yawe ali Leza umwiyulu na pano nsi. Kutaya Leza namuze foo.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Mako 12:32

Lyene kasambilizya wa Masunde anena Yesu ati, “Kasambilizya, wavwanga ningo! Icacumi, wakwe vino wavwanga, kusi Leza namuze suka aliwe wenga sile,

Malango 32:23

“‘Ndatulika impungo pano yali izisi na mpela nu kuyalasa ni nceto zyane zyonsi.

Mako 12:29

Yesu aasuka ati, “Isunde lyacindamisya aili, ‘Uvwini mwe ina Izlaeli! Mwene Leza witu ali Mwene wenga sile.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Kufuma 8:10

Falao nawe aasuka ati, “Uce umpepelele mutondo.” Mose aasuka ati, “Ndacita wakwe vino walenga, alino lyene ulamanya ukuti kusi Leza muze ali wakwe Yawe, Leza witu.

Kufuma 9:14

Insita ii ntalavunuka sile yacilolo yako na antu yako lelo nawe kwene ndakuvunuka, pakuti umanye ukuti kusi umwi uwakolana nani mu nsi yonsi.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Malango 32:12

Yawe wenga sile umwisikulu ali wino watungulwile antu yakwe ukwaula ukwazwiliziwa na kaleza aka inamasi.

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.

1 Yamwene 8:60

Ali pakuti antu amu mitundu yuze, iyaya pano nsi, yakamanye ukuti we Yawe wewe uli Leza nu kuti kutaya namuze foo.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Kufuma 8:6

Caleka Aaloni atoola intuwa akonzolola ikasa lyakwe pa manzi yonsi, na yacula iyafuma nga yalimba impanga yonsi ya Eguputo.

2 Samueli 7:22

Si lola vino wacindamisya, we Yawe Simwandalali! Kusi umuntu nanti wenga angaya wakwe wewe. Nupya kutaya Leza muze suka sile wewe.

2 Samueli 22:32

Yawe wenga sile ali Leza. Leza wenga sile ali linga litu.

1 Milandu 17:20

We Yawe, kusi umuntu nanti wenga angaya wakwe wewe, nupya kutaya Leza muze suka sile wewe wenga mpo.