Malango 4:32 - Amazwi Yakwe Leza 2013

³² “Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Malango 4:32 交叉參考

Yobo 8:8

“Tala elenganya apa nkulo izyakukolelile. Ulondelezye ivintu vino ivikolwe vitu vyasambilile.

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Masamu 44:1

We Leza swemo twayuvwilile swenga na matwi itu, ivikolwe ali vino vyatulandile apa vintu vikulu vino wacisile umu nsita yao, umu manda yampiti.

Malango 32:7

“Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Yowelo 1:2

Mwemo mwe ikolo, siuvwini. Teyini amatwi, mwensi mwemuno mwikala mu mpanga ya Ayuda. Uzye vii vino mwalola vyatala vyamuponela umu nkulo inu nanti umu manda ya vikolwe vinu?

Utandiko 1:27

Avino Leza waumvile umuntu mu cata cakwe. Leza wayaumvile umonsi nu mwanaci.

Mako 13:27

Alatuma angeli mu ntunga zini zya nsi ku kukolonganika asololwe yakwe Leza kufuma ku mpela yonga ya nsi kufika nu ku yuze kwene.

Malango 30:4

Nanti cingaya ukuti mwasalanganila ukutali cuze, nako kwene aliza amukonkole nu kumukolonganika pamwi nupya.

Kufuma 34:10

Lyene Yawe anena Mose ati, “Ndakai natinacita upangano na ina Izlaeli. Ndacita vintu vikulu pa manso yao ivitatala vyacitika mu luko nanti longa lwa munonsi. Antu yonsi yamalola vintu vikulu vino Ne Yawe ningacita, pano namacita vintu vya ngofyo kunuli.

Malango 4:7

“Kusi umutundu uze nanti onga, nanti ungakula uli, uno wakwata Leza wao mu pipi wakwe vino Yawe Leza witu waya kunotuli. Wene akatwasuka lyonsi lino twamulaizya.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”