Malango 34:9 - Amazwi Yakwe Leza 2013

⁹ Lino amanda ya kulosya Mose yasizile, Yoswa umwana umonsi wakwe Nuni azuziwa nu mupasi wa mano pamulandu wakuti walanga Mose wamwikile amakasa yakwe panoli. Acino aina Izlaeli iyamuvwila nu kuyela amalamulo yano Yawe wayapeezile ukupitila muli Mose.

Malango 34:9 交叉參考

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Milimo 6:6

Iumba liyaleta ku atumwa, nao yapepa, nu kwika makasa yao panoyali.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Danieli 6:3

Lyene Danieli zuwazuwa aloleka ukuti angaluta angalizi yauze mu kuomba. Pamulandu wakwe cico, umwene welenginye uku mulasika pa cifulo ca kwangalila uwene wakwe onsi.

2 Yamwene 2:15

Iumba lyakwe yakasema afumile ku Yeliko yalola kuno Elisya akulamba, nga yavwanga yati, “Amaka yakwe Eliya yingila muli Elisya.” Alino yaya ku kumukomanya, nga yakontamika ivinso vyao inkolelo yakwe Elisya.

2 Yamwene 2:9

Lino yalamba, Eliya anena Elisya ati, “Unene, uzye icani cino ningakucitila lino ntali nsendwe ukufuma kunuli?” Elisya nawe aasuka ati, “Umpeele amaka yamwi akuti inje vino waya.”

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

Mpendwa 11:17

Nani namaika nu kwiza landa nawe kukwa. Nupya indi nu kwiza tola mupasi uwaya pali wewe nu kuyapeela nayo kwene. Fwandi ali yano yamasendanga pamwi nawe icisendo ca mutundu uwo. Usikuyanga wenga pa kucisenda awe.

Kufuma 31:3

Wiyo, natindenga Mupasi wane kuti azule munoli. Natindenga kuti aye a fundi wa mano nupya mulamoke mu milimo yonsi wakwe vii.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

Malango 34:8

Aina Izlaeli yamulosizye amanda amakumi yatatu mu manyika aku Moabu.

Kufuma 12:28

Lyene aina Izlaeli yaya yacita wakwe vino Yawe wapeezile ilamulo kuli Mose na Aaloni kuti yacite.

Kufuma 28:3

Ama antu yonsi amanya kusuma, yano napeela amano, kuti yasumile Aaloni vyakuzwala pakuti angapaatulwa wakwe simapepo uwamu mulimo wane.

1 Milandu 29:23

Acino Solomoni aikala apa cilimba ca wene uno Yawe wateinye, atoola amalo yakwe isi Davidi. Aya nu longo mu vintu vyonsi, nga aina Izlaeli yonsi yayelanga amalamulo yakwe.