Malango 33:29 - Amazwi Yakwe Leza 2013

²⁹ Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Malango 33:29 交叉參考

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Habakuku 3:19

Yawe Simwandalali aliwe akampeela amaka. Wene akakomya amakulu yane kuti naimilila wakwe mpombo, pakuti ningakwela na papela ya mwamba. Yakasaula ya nyimbo, si yale yimbile na mazeze.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 33:20

Utailo witu waya muli Yawe. Wene ali kazwa witu na kacingilila witu.

Masamu 18:44

Lilyo kwene lino yuvwa izwi lyane, yanjela, ainamasi yakaiza kunondi nu kumfukamila.

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Umbwilo 19:21

Vita vyao vyakomilwe nu lupanga luno lwafumile mu mulomo wakwe wino uwakwezile pa mfwalasi. Vyunyi vyonsi vyalile vyala vyao viikuta.

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

Yelemiya 12:12

Antu yali yacilinganya imilundu yonsi yamu lwanga nu kwiza mu kuzanza impanga ii. Nemo ninjakatusizya inkondo ya konona impanga yonsi. Kusi nanti wenga wino amasyala aikalile umweneco ku matwi cele.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Masamu 144:15

Walongo wakwe cimwi umutundu uno wasyukila vyonsi vii. Walongo umutundu uno Leza ali Mwene wauko.

Masamu 45:3

Kwapila ulupanga lwako, we lumba lya maka. Wemo wakwatisya amaka, nupya wacindamisya!

Masamu 33:12

Wasyuka umutundu uo uno Yawe wasolwile. Ukuya ali Leza wao, yano wasolwile ukuya icuma cakwe.

Masamu 7:12

Ndi yakana ukuzenzuka, Leza akanyola ulupanga lwakwe, akaakana ulapwa wakwe, nu kuzuta ulusinga.

Mpendwa 24:5

Iye mwe! Avino amataalu yako yazipa we Yakobo, ni ncende zyako usuma we Izlaeli!

Yelemiya 47:6

Mwemo mukuti, ‘Iye mwe, we lupanga lwakwe Yawe, ulapuza lilaci? Sungala uswilile mu cituwo cako, nenuka, ikala cele.’

Masamu 81:15

Antu yano yapata Yawe, yangiza yacimbe kunoli ulanda ulanda. Nu kuvunukwa kwao kungikalilila umuyayaya.

2 Samueli 22:45

Ainamasi yakamfukamila. Lino yanguvwa iyayela.

Yakapingula 7:20

Alino impuka zyuze ziili izicita cili conga kwene. Yonsi kwene iyalema amalukozyo yao mu minwe yao iya kwimani, ni ntandala mu minwe yao iya kwilunji, nga iyapunda yati, “Ulupanga ulwakwe Yawe nga nu lwakwe Gidyoni!”

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

2 Samueli 22:3

Leza wane ali ucingililo wane, nga kusi icinganzanza lino indi nawe. Wene akancingilila wa cisyangu. Wene akampokolola nu kunsunga ningo. Wene akatuula wane, akancingilila nu kuntuula ku antu yalwete.

2 Milandu 31:8

Walanga Hezekiya pamwi ni vilolo vyakwe yiza yalola imitumba, yatasya Yawe nga apolelela na antu yakwe aina Izlaeli.

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

Masamu 32:1

Wasyuka umuntu wiyo wino amaifyo yakwe yafumiziwa, wino inkota zyakwe zyelelwa.

Masamu 32:2

Wasyuka umuntu wino Yawe asizanamo uyi munoli, wiyo atakwata intumpu mu mwenzo wakwe.

Masamu 68:34

Lumbilizini amaka yakwe Leza, wiyo uwateeka aina Izlaeli, wiyo uwakwatila amaka yakwe nu mwiyulu.

Ezaya 58:14

alino lyene mulakwata insansa zino nemo nkapeela antu yano yakambombela. Ndaleka nu kuti antu yace yamucindika insi yonsi pano yapelela. Mulailyokezya ivyuma vyamu mpanga, ino napiile Yakobo icikolwe cinu. Avino ne Yawe navwanga.

Oseya 13:9

“Ndonona mwe ina Izlaeli! Uzye lyene aweni angamwazwa?

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Masamu 18:45

Awe lyene ainamasi yatiyatovoka, yakuzakaza sile apa kufuma umu misumba yao ya malinga.

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”