Malango 33:25 - Amazwi Yakwe Leza 2013

²⁵ Si leka imisumba yakwe ice ikwate ucingililo wa mpongolo zya vyela, Nupya ace aikala ulumi insita zyonsi.”

Malango 33:25 交叉參考

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Filipi 4:13

Klistu wampeela maka akulungatana ni miyele ili yonsi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

Ezaya 40:29

Leza wene aliwe akakomelezya yano yacepelwa amaka, na yano yatonta kwene.

Masamu 138:3

Uwanda uno nalaizye wanguvwile, wandundile na maka.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Efeso 6:10

Mukusyalikizya, lekini maka yakwe Leza yamukomelezya.

Malango 32:47

Amasambilizyo yaa yasi amazwi asilesile, lelo yene ali umi winu kwene. Mwayayela, pakuti lyene muce mwikale amanda avule mu mpanga ilya mu mbalama yakwe Yodani ino mwasya mupoke nu kwikala mwenemo.”

Malango 8:9

Kuku mutalatala muvwe inzala nanti ukuulilwa cimwi. Amawe yakweneko mwaya icela, nga mu myamba ya kweneko mungimba mwenemo mukuwa.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Efeso 6:15

Alino ukuya aiteyanye ku kukosola Ilandwe Lisuma lya mutende, nako kuye wa nsapato ku ngazo zinu.

Utandiko 49:20

“Mu mpanga yakwe Asyeli mulafuma vilimwa visuma. Alafumya ivyakulya vilinzile ukulya umwene.

Masamu 147:13

Pano wene akakomya imikolongelo ya mpongolo zyako. Wene akapolelela na ana yako.

Yoswa 14:11

Ni lelo kwene ncili na maka wakwe lino Mose wantumile, nupya ndakai njiteinye ukuya ku ulwi wakwe vino nali pa nsita ilya.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.