Malango 33:2 - Amazwi Yakwe Leza 2013

² Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Malango 33:2 交叉參考

Umbwilo 5:11

Alino ndola nupya, nga nuvwa mazwi ya angeli mazimbi ni mintapendwa! Yene yaimi iyalizizya cilimba ca wene, ni viumbwa vyaumi vini nga na ikolo.

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

Milimo 7:53

Amwemwe mwapokelile masunde yakwe Leza lino angeli yalesile, lelo mwakana ukuyayela.”

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Ayebulai 2:2

Ilandwe lino Leza wavwangile mu angeli lyali lya cumi, icakuti wiyo atalyuvwile nanti uwalisuzile, wavunwikwe ndi vino camulingine.

Ayebulai 12:20

pano yene yataposizye pa kuuvwa ilamulo likuti, “Nanti inyama kwene ndi yakumya ku mwamba, yene ilinzile kutamwa na mawe suka ifwe.”

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

2 Kolinto 3:9

Ndi mulimo wakulenga kuti antu yavunukwe wali uwa lulumbi, nga lyene mulimo wakulenga kuti antu yaye aololoke pa manso yakwe Leza uzye utalalusya kuya uwa lulumbi?

2 Kolinto 3:7

Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

Malango 5:22

“Yao ali masunde yano Yawe wamupeezile lino mwakongine mwensi pa mwamba. Lino wene wavwanzile ni zwi likalamba ukufuma mu moto nu mwi kumbi litifi, wene wapeezile amasunde yaa nga kusi nayauze. Alino lyene wayalemvile pa vipampa viili vya mawe nga ampeela.

Galatiya 4:24

Vii vyonsi vikweti cino vikusenula. Cila wenga uwamu anaci yaa yaili, akwimilila upangano. Haga akwikilila upangano uwacisilwe pa Mwamba wa Sinai. Ana yakwe azya

Kufuma 23:20

“Natinatuma mungeli wane inkolelo inu, pakuti amucingilile umu nzila nu kulenga kuti mufike ku cifulo cino namuteyanyizizya.

Mpendwa 10:12

Lyene aina Izlaeli ali pa kutenuka yafuma mu Lwanga lwa Sinai iyazeuluka ku cifulo ni cifulo, suka lino ikumbi lyaya limilila mu Lwanga lwa Palani.

Masamu 50:2

Ukufuma uku Zioni, wawala nu usuma umwi uwacipezya mano.

Danieli 4:13

“Lino ncili elenganya pa cilolwa cici, indola mungeli akufuma umwiyulu, ala akuwaka nu kucevya.

1 Yamwene 11:18

Lyene iyatenuka mu Midyani nga yaya ku Palani, nga yasenda aonsi yamwi kuku ku Palani, alino yaya ku Eguputo, ku mwene Falao. Falao apeela Hadadi na antu yakwe amang'anda ni mpanga ni vyakulya.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.