Malango 33:13 - Amazwi Yakwe Leza 2013

¹³ Apa mutundu wakwe Yosefu wene wavwanzile ati, “Si Yawe apolelele impanga yao aipeele imvula Nga na manzi ukufuma pansi ya musili.

Malango 33:13 交叉參考

Mika 5:7

Lyene antu yakwe Yakobo asyala yonsi yalaya pakasi ka mitundu ingi ya antu, wa lumi ulwafuma kuli Yawe. Yalaya wa mvula ino ikutonya pa mulemvwe, ino isilolela ukunenwa nu muntu, nanti umuntu aipeele ilamulo.

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Ezaya 18:4

Yawe wavwanga kunondi wati, “Kuno nemo nkaikala, namaya cele nu kulolekesya sile, ndi vino akasanya ka kayenkema umu manso, lino ilanzi lyawalisya, ungati akungwi wiya wino akaya kweneko, lino kwaya icipuki icisanya apa nsita ya uzombozi.”

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Mapinda 3:20

Uku mano yakwe walenzile ukuti inguzi zyapita, nu kuti amakumbi yatonyezya imvula pano nsi.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Yobo 29:19

Natambilizya imisisi yane uku luzi ukuli amanzi avule, muno umuti lyonsi ukatona ulumi.

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.

Utandiko 48:9

Yosefu aasuka ati, “Alumendo yaa ali ana aonsi yano Leza wampeela muno mpanga ya Eguputo.” Yakobo avwanga ati, “Yalete kunondi pakuti ningayapolelela.”

Utandiko 48:5

Yakobo atwalilila ukunena Yosefu ati, “Yosefu ana yako yaili aonsi, yano avilwe kunuli mu Eguputo lino ntali nize, nayo kwene akwane. Efulemu na Manase yene akwane wa ana yane aonsi, Lubeni na Simeoni.

Utandiko 27:27

Lino wapalama kuti amutonsole Isaki anunsya lyena lya vizwalo vino Yakobo wazwite, nga amupolelela ati, “Kununkila kusuma kwa mwana wane kukoline ukununkila kwa calo cino Yawe wapolelela.

Utandiko 27:39

Alino Isaki amunena ati, “Wemo kusi ukama kunuli panonsi, kusi imvula kunuli ilafuma kwiyulu iya vyalo vyako.

Mpendwa 1:32

Ukufuma mu amu mupanda wakwe Yosefu, mu amu mupanda wakwe Efulemu, aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyayatantika.

Malango 33:14

Si leka impanga yao ipolelelwe ku viseekwa ivikakula nu kucela ku kasanya, Ikwatisye iviseekwa visuma wakwe cimwi mu nsita yaviko.

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.

Masamu 148:7

Lumbanyini Yawe mwemuno mwikala pano nsi, mwe vinyama vyamuli yemba, anono na akulu,