Malango 33:12 - Amazwi Yakwe Leza 2013

¹² Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Malango 33:12 交叉參考

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Ezaya 51:16

Anene kwene nasapalalika amayulu, nu kusimpisya imifula yansi. Anene kwene nkanena aina Izlaeli inti, ‘Mwemo mwemwe antu akwane mpo, amwemwe napiile amasunde yane, nupya amwemwe nkasunga uku maka yane sile.’ ”

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

2 Milandu 11:1

Lino umwene Leoboamu waswilile ku Yelusalemu, waile akonganika ivita vyakwe, ukulingana ni mpendwa ya mazimbi umwanda onga na makumi cinani amu nko zyakwe Benjamini na Yuda, apakuti yangaca yaye yakalwisye aina Izlaeli, imitundu ikumi yao aikalanga ukupela. Walondanga kuti yace yawezezye Leoboamu uwene.

1 Yamwene 12:21

Lino Leoboamu wafika ku Yelusalemu, akonganika yanyela yatupu 180,000 avita vyakwe ivyamu mutundu wakwe Yuda na wakwe Benjamini, apakuti yaye yakalwe na ina Izlaeli aikalanga ku kaeya. Wene walondanga kuti awezye sile uwene wakwe.

Malango 12:10

Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.

Masamu 132:14

Wene wavwanga wati, “Paa, ali pano ndaikala nu kupuzila pee na pee. Ali pano ndikala pano ili ncende ino nasolola.

Yakapingula 1:21

Lelo amu mutundu wakwe iyaposiwa kuzinga aina Yebusi aikalanga mu Yelusalemu. Na pilelo kwene aina Yebusi yacili ikala mwenemo pamwi na ina Benjamini.

Kufuma 28:12

Wike amawe kwene yaili yaa pa tumakwelelo twapa viye twa cakuzwala ca efodi, wa ciusizyo ca ana yakwe Izlaeli. Mu musango kwene uu Aaloni alasenda mazina yao paviye vyakwe pakuti ne Yawe, naiusya antu yane amanda pe.

Mpendwa 34:21

Elidadi umwana wakwe Kisiloni, intunguluzi ukufuma mu mutundu wakwe Benjamini.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 32:11

Yawe wasenzile aina Izlaeli kwati acipungu wino akusambilizya ana yakwe ukupapuka, ala akutwanka pa mapa yakwe yano wataanza, alino apapuka nupya.

Malango 33:11

We Yawe, si leka umutundu wao ukomeleke. Si leka imilimo yao ino yakuomba yakuzanzya. Vungola anisi yao. Utaleka yace yakatuke nupya.”

Masamu 60:5

Tutaasye fwandi uku maka yako, uuvwe ipepo litu apakuti antu yako, yano watemwisya, yakululwe.

1 Samueli 10:20

Alino Samueli apalamika imitundu yonsi iya ina Izlaeli, nga umutundu wakwe Benjamini auno usololwa.

2 Samueli 12:24

Nga lyene Davidi atekezya umuci Batisyeba. Alino aya aingila munoli amanyana nawe, nga umuci amuvyalila umwana umonsi, nga Davidi amutemela izina ati a Solomoni. Yawe atemwa umulumendo wilya

2 Samueli 12:25

nga atuma kasema Natani kuti akamutemele izina ati a Yedidaya, pamulandu wakuti Yawe wamutemilwe.

Yelemiya 12:7

Yawe walanda wati, “Natintazyela antu yane. Ninkana umutundu wane usololwe. Nasumba antu yane akundwe mu makasa ya anisi yao.