Malango 33:10 - Amazwi Yakwe Leza 2013

¹⁰ Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

Malango 33:10 交叉參考

Masamu 51:19

Ali lino lyene, ulapokelela nu luzango impolelwa zyampomvu, impolelwa zyakoca, na mawila ya vilyo kumwi na tucipambasi twa ng'ombe, utwakutuula apa kavuwa kako.

Aina Levi 10:11

Ulinzile kusambilizya aina Izlaeli amasunde yonsi yano napeela kunomuli kupitila muli Mose.”

Ezekelo 43:27

Amanda yayo cinimbali ndi yasila, alino yasimapepo yali nu kutandika ukocelapo impolelwa zinu zyakoca apa kavuwa, nga ni mpolelwa zinu zyakulemana pamwi. Alino lyene nani ndamuzengela. Ivyalanda ne Yawe Simwandalali.”

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Neemiya 8:18

Cila wanda ukutandikila apa wanda uno yatandikile ukongano wa nsakwe, ukufika napa wanda uwakusyalikizya, Ezila wawelengelanga antu amazwi amu lupapulo lwa Masunde yakwe Leza. Yacindike icintu cii, apa manda cinimbali. Umu wanda wakwe cinani ali muno yacisile ukongano ukalamba uwamuzilo, ndi vino calembwa mu Mpapulo zyakwe Mose.

2 Milandu 30:22

Hezekiya nawe wataizye sana aina Levi pali ufundi wao uwa kutungulula umulimo wa kupepa Yawe. Pa manda cinimbali lino yalile vipande vyao nu kupeela amawila ya utandano nga nu kulumbanya Yawe, Leza wa vikolwe vyao. Pacisila ca manda cinimbali yano yapeelanga amawila kuli Yawe Leza wa vikolwe vyao,

2 Milandu 26:18

Lyene yasimapepo yayo apa kulesya umwene Uziya yamunena yati, “Cisi cisuma kuti we mwene Uziya waocela Yawe ubani. Lelo angacita cico a yasimapepo sile, amu mupanda wakwe Aloni, yano yapaatulwa kuti yaoca ubani. Fuma muno umwi taalu lyamuzilo, pasi pano watiwifya kuli Yawe, nga wene watafumya upolelelo wakwe pano uli.”

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 16:40

Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Aina Levi 1:17

Pacisila cakwe vii, alepule uwila uwo pakasi, lyapa limwi ku, ni lyuze ku. Lelo kusi kufumya maapa. Lyene aoce pa moto wa nkwi pa kavuwa. Cene uli wila wakoca. Uwila uu uwa mununko usuma ukazanzya Yawe.

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Aina Levi 16:13

Lyene mumu kwene pa manso yakwe Yawe Aaloni alinzile kwika ubani pa moto. Lyene icunsi ca ubani cimalenga kuti Aaloni atalola intupiko ya Mbokosi ya Upangano, pano angafwa.

Mpendwa 7:50

Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani, ukulingana ni cipimilo caku Ng'anda ikulu yakwe Leza.

Malango 33:11

We Yawe, si leka umutundu wao ukomeleke. Si leka imilimo yao ino yakuomba yakuzanzya. Vungola anisi yao. Utaleka yace yakatuke nupya.”

Ezila 7:10

Apa mulandu wakuti Ezila walanga wika umwenzo wakwe uku kusambilila amasunde yakwe Leza nu kuyalondela nga nu kuyasambilizya uku ina Izlaeli, ivipope ni misango ino yangalondelamo lyonsi.

Malango 27:14

Aina Levi yalalanda amazwi yaa ku antu yonsi umwi zwi likulu, yati,

Hagai 2:11

“Vino nkulanda nene ne Yawe Wamaka Onsi aivi: Londini yasimapepo kuti yaputule umulandu uu:

Hagai 2:12

Ndi cakuti umuntu umwi wafundila inyama iziliziwe, iyo iyatuzilwe ngi mpolelwa umu nsalu yakwe, alino insalu yakwe yakumya ku nsima nanti uku musunyi nanti kuli waini nanti uku mafuta ya miolivi nanti uku cakulya icili consi sile, uzye ivyakulya vyonsi ale vyaya ivikowele?” Yasimapepo nayo ali pakwasuka yati, “Awe.”