Malango 32:7 - Amazwi Yakwe Leza 2013

⁷ “Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Malango 32:7 交叉參考

Masamu 44:1

We Leza swemo twayuvwilile swenga na matwi itu, ivikolwe ali vino vyatulandile apa vintu vikulu vino wacisile umu nsita yao, umu manda yampiti.

Ezaya 46:9

Mwaiusya ivintu vino vyacitike mpiti. Ali kuti mwasininkizya ukuti nene indi Leza, nene nenga mpo, nupya kutaya namuze uwalingana nani.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Yakapingula 6:13

Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”

Masamu 119:52

Nkwiusya amasunde yako ampiti, we Yawe, nupya yene yakantekezya.

Masamu 77:8

Uzye lyene wata ukutemwa? Uzye lyene ulayo wakwe utaciomba?

Masamu 10:6

Umu mwenzo wakwe akavwanga ati, “Insi wakutenta. Ntalaponelwa ni ntazi.”

Kufuma 12:26

Lino ana inu yalamuzya yati, ‘Uzye kuzevya ku kukasenula cani?’

Masamu 78:5

Ali wino wapiile aina Izlaeli amasunde, na yamwana Yakobo ivikomo. Ali wino wakonkomizye ivikolwe vitu ukusambilizya ana yao amasunde yakwe,

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.