Malango 32:35 - Amazwi Yakwe Leza 2013

³⁵ Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Malango 32:35 交叉參考

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Yelemiya 23:12

Ali cino fwandi umu nzila yao mulazula iviwina. Lino yapamviwa ukupita mwenemo umu mfinzi, yalapona. Pasi pano umwaka wakuyavunuka lino ulafika, ndayaletela uononesi. Ivyalanda ne Yawe.

Masamu 94:1

We Yawe, awewe Leza akavunuka, fwandi langa ukali wako!

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 6:21

Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Loma 13:4

Kateeka wene umuomvi wakwe Leza, wino wasonta kuti aombela antu visuma. Acino ndi wacita ciipe lyene uye ni ntete pano kateeka akweti nsambu zya kukupingula. Wene umuomvi wakwe Leza uwapeelwa mulimo wakupingula yampula masunde.

Ezaya 60:22

Nanti sile aka lupwa kamwi akanono, akasilesile, kalasuka kaye umutundu umwi uwamaka! Ivintu vivyo nemo ndavicita zuwazuwa insita ilingane ndi yafikila. Umucumi anene kwene ne Yawe navwanga!”

Ezaya 8:15

Ali cino fwandi antu anyanya, yayo yano yamapumikanga kweneko, nu kupona yamaponanga. Yene yamaponanga nu kuvunika yamavunikanga. Yamaivyongelekezyanga nu kulemwa!”

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Mapinda 4:19

Inzila ya antu aipe, yaya wa mfinzi usiku, yene yatange yamanye cino yakupumikako.

Utandiko 4:23

Lameki anena aci yakwe, ati, “Ada na Zila, uvwini kunondi. Mwe aci yane, mutezye amazwi yane. Natinkoma umuntu pano wali wanguma. Natinkoma umulumendo wiyo pano wali wancisa.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.

2 Yamwene 9:7

Uce ukome umwene, umwana wakwe Aabu, pakuti ince impezye namwene Yezebele apa kukoma yakasema na aomvi yane.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Ezekelo 7:5

Yawe Simwandalali wavwanga wati, “Isyamo lyala lyamulondelela.

Oseya 13:12

Iifyo nu mulandu wa ina Izlaeli vyalembwa mu lupapulo, nga ulupapulo lulo lwasungwa ningo.

2 Samueli 22:48

Wene akampeela ucimvyo pa anisi yane nu kucimvya inko zino nkateeka

Ezaya 13:22

Yacimbwi ayano yalatonkomala umu mpungu, na yankusa nayo umu masano. Ala insita iliiza, nupya yatipalamila isikulengela foo.”