Malango 32:27 - Amazwi Yakwe Leza 2013

²⁷ Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’

Malango 32:27 交叉參考

Masamu 140:8

We Yawe, utaleka antu aipe yafikilizya amapange yao! Utaleka yakwate ulongo muli vino yampangila.

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Kufuma 32:12

Uzye mukulonda kuti aina Eguputo yakavwange yati, wayafumizye mu Eguputo nu uteyanyo wakuti ukayakome ku myamba nu kuyonona yonsi pyu? Wezya umwenzo wako, utonona antu yako lelo uyelele.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Ezaya 47:7

Wemo watangi ulayelelela pali unamwene pee, utasakamalanga kuli vii vyonsi, nanti ukwelenganya kuno vilapelela foo.

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 37:10

“Leza wako wiyo wino wemo ukutaila mwenemo utaleka akusomba sile, ndi cakuti amakunena ukuti umusumba wa Yelusalemu ntalaupoka ne mwene wa ina Asilya.

Mpendwa 15:30

Lelo wino wensi uwala waluvyanya ku mufulo, ciye mukaya nanti umwenyi, wene ale wasuula Yawe. Umuntu wiyo alinzile kusukulwa mu antu yakwe.

Ezaya 48:11

Nacino nemo nkucitila vii, umulandu sile uwakulonda ukuti antu yandumbanye. Ntangentemwe ukuti antu yansausya, awe. Nupya ntange ntemwe ukuti muze awino yalumbanya. Awe, cipelele ukutali! Pano anene sile nenga, nemuno antu yalinzile kuti yandumbanya.”

Malango 9:28

Pano limwi, antu amu mpanga ino mwatufumizyeko yangavwanga ukuti pamulandu wakuti wemo waposiwe kutwala antu yaa mu mpanga ino wayalavile, na pamulandu wakuti wemo wayapata, acino wayafumizye uyaleta mu lwanga kuti uyakome.

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

Masamu 140:9

Napa mutwe wakwe yao akandizizya cilumba cilumba, leka amapange yao pali nene yayafutukile alio kwene.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”