Malango 31:7 - Amazwi Yakwe Leza 2013

⁷ Lyene Mose aama Yoswa pa manso ya ina Izlaeli yonsi nga amunena ati, “Uposye nupya uzyansye. Wewe uli nu kutungulula antu yaa ku kupoka impanga ino Yawe walavile ukupeela ku vikolwe vyao, nupya ulinzile ukuyankanya wa caupyanyi cao.

Malango 31:7 交叉參考

Malango 3:28

Wemo peela sile Yoswa amalamulo. Fwandi umukomelezye nu kumupeela inzyansyo, pamulandu wakuti aliwe alatungulula antu ku kulamba nu kuyapoka nu kwikala mu mpanga ino wemo umalola sile.’

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

Malango 1:38

Lelo ukomelezye kazwilizya wako, Yoswa umwana umonsi wakwe Nuni. Wene alatungulula aina Izlaeli kuti yakapyane impanga ilya.’

Efeso 6:10

Mukusyalikizya, lekini maka yakwe Leza yamukomelezya.

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

Malango 31:3

Yawe Leza winu umwisikulu amamukolelela pa nkolelo nu konona inko zyonsi izikala mwenemo, pakuti mupoke impanga ilya mwikale mwenemo. Yoswa alaya intunguluzi inu, wakwe vino Yawe watavwanga.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Mpendwa 27:19

Alino mutwale nu kumwimika ku nkolelo yakwe simapepo Eleaza nga ni iuvi lyonsi, nga lyene pa manso yakwe onsi ulande ukuti aliwe amatola amalo yako.

Malango 11:8

“Caleka mwayela amalamulo yonsi yano nkumupeela ilelo, pakuti muce mukwate amaka aku lamba Luzi lwa Yodani nu kupoka impanga ino ilaya iyakwinu.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

1 Yamwene 2:2

“Nemo lyene nasya mfwe, acino ulinzile kuposya nupya utatovoka.

Mpendwa 13:20

Mulole impanga vino ikuloleka, ndi ya muvundo nanti foo, ndi ya miti nanti foo. Muombesye pa maka cakuti mukawele ni viseekwa vya mpanga ilya, vimwi vimwi.” (Insita kwene iya yali iya viseekwa vya nkolelo vya matingi.)

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 31:21

Alino lyene amazanzo avule aipisye pamwi na macuzi vilayaponela. Lelo ulwimbo luu luliimbwa nu kuya umboni uwakuyasinila, pamulandu wakuti amu mupanda wao yatalalwilila. Ali vino navikwene natimanya vino yakwelenganya nanti ntacili njingizye mu mpanga ino nalavile nu mulapo ukuyapeela.”

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.