22 Mu wanda kwene ulya Mose walemvile ulwimbo nu kulusambilizya ku ina Izlaeli.
“Ali cino fwandi wemo lemba ulwimbo luu. Ulusambilizye ku ina Izlaeli pakuti luce luye alukambone kunoyali.
Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.
Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”
Mose na Yoswa umwana umonsi wakwe Nuni yasawile nu kwimba amazwi ya lwimbo luu, kuti aina Izlaeli yuvwe.
