9 Yawe alamupeela ulongo mu milimo inu yonsi. Mulakwata ana avule ni viteekwa vivule, nga mu vyalo vinu mulaya uzombozi ukulu cuze. Yawe umwisikulu alaitemelwa kumupeela upolelelo wakwe vino wapeezile ivikolwe vinu.
Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”
Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”
“Yawe alamupolelela amupeele ana avule, ni vyakulya vivule cuze, nga ni ng'ombe ni mbuzi zivule.
nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.
“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.
Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”
Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.
Nani kwene kumwi, ndaya sile uwa nsansa zituputupu, pamulandu wakwe Yelusalemu na antu yakwe. Mutalaya uwakulukusya aminsozi, nanti sile uwakukuuta ati, ‘Tutulwe!’
Wakwe vivi kwene vino Yawe watemilwe ukuti muye nu longo nu kusanda mu mpendwa, ali vino wene alatemwa nu kumonona nu kumupekesa. Alamulovya ukwaula kusyalapo nanti wenga mu mpanga iyo ino mwasya mupoke nu kwikala mwenemo.
“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.
Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,
Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.
Lyene ali lino mulayela Yawe nu kulondela amalamulo yakwe yonsi yano nkumupeela ilelo.
Lolini, insita iliiza, ivyalanda ne Yawe, lino ndatovya mu ng'anda yakwe Yuda imbezu zya antu ni mbezu zya viteekwa.
Impanga yonsi pano yapela, kutalaya alakwata upolelelo ukankala ngu winu. Kutalaya umonsi nanti umwanaci wenga panomuli wino atalakwata umwana nanti iviteekwa vinu vino vitalakwata ana.
Antu lyene yatalatala nupya yakwame, yati, “Icikona”, nanti yati, “Impanga isuulwe.” Lelo yamakwamanga yati, “Lukundo lwane.” Impanga yako yamayamanga yati, “Utwazi usuma.” Pano lyene Yawe watazangila munuli, ni mpanga yako imafumalilwa kuli Yawe.
