Malango 30:6 - Amazwi Yakwe Leza 2013

⁶ Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Malango 30:6 交叉參考

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Kolinto 8:3

Lelo Leza wene asyatwisika umuntu wino wamutemwa.

Loma 11:26

Vii, ali vino aina Izlaeli yalatuulwa. Ndi vino calembwa mu malembelo cati, “Katuula alafuma mu Zioni nu kusisya ukakasi onsi kufuma pa vizikulula vyakwe Yakobo.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Yelemiya 9:26

Antu yayo ali ina Eguputo, na ina Yuda, na ina Edomu, na ina Amoni, na ina Moabu nga na yonsi aikala mu lwanga, yano yakapela inkuuzu lwa pa mausyu yao. Kusi nanti wenga pa antu yaa nanti umwina Izlaeli kwene wino wasunga upangano wane.”

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Aina Levi 18:5

Mwalondela micitile na masunde yano napeela kunomuli, pano mulapususya umi winu ndi mwacita vivyo. Nene indi Yawe.’”

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.