1 “Icalondelile penepo cakuti twalungime lyene ku katutu ulunga nu ku Basyani, nga Ogi umwene waku Basyani pamwi ni vita vyakwe vyonsi yiiza iyatulwisya pipi nu musumba wa Edilei.
Cii cali pacisila lino wene watacimvya Siooni umwene wa ina Amoli, wino wateesile mu musumba wa Hesyiboni, nga na Ogi umwene waku Basyani, wino wateesile mu misumba ya Asyitaloti na Edilei.
Gebeli umwana umonsi wakwe Uli wangalilanga ku Gileadi kumwi ni mpanga yakwe Siooni umwene wa ina Amoli nga ni mpanga yakwe Ogi umwene waku Basyani. Ukulunda pa alasi yaya ikumi na yaili, kwali umulasi wenga mpo uwa citungu cici.
Impanga yao yatandikile ku Maanaimu ukulundapo na Basyani wensi, nu wene onsi wakwe Ogi umwene waku Basyani, nga ni misumba yonsi amakumi mutanda yaku Yaili mu Basyani,
na vyonsi vino wene wacitile yamwene yaili ya ina Amoli lwaku ufumondaka wa Luzi lwa Yodani, na Siooni umwene waku Hesyiboni, na Ogi umwene waku Basyani, wino wateekanga mu Asyitaloti.
Yene yapokolwile nu kwikala mu mpanga yakwe na yakwe Ogi umwene waku Basyani, wino wali umwene muze uwa ina Amoli uwikalanga lwaku ufumondaka wa Luzi lwa Yodani.
Lelo Yawe anena ati utamoopa pano namamupeela mu makasa yako kumwi ni vita vyakwe vyonsi nga ni mpanga yakwe yonsi pyu. Umamucita sile vivi kwene vino wacisile Siooni umwene wa ina Amoli mu Hesyiboni.
Yaa ali yamwene ya mpanga ilya yano Mose pamwi na ina Izlaeli yacimvizye, nupya yano yaposile impanga yao lwaku ufumondaka wakwe Yodani, ukutandikila ku Cifoloma ca Alinoni ukufika nu ku Mwamba wa Helimoni nu ku lusansa lonsi lwa ufumondaka wa Alaba:
