Malango 29:9 - Amazwi Yakwe Leza 2013

⁹ Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Malango 29:9 交叉參考

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Yoswa 1:7

Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Masamu 25:10

Inzila zyonsi zyakwe Yawe ulukundo ni cumi yayo akusunga upangano wakwe na masunde yakwe.

Malango 29:10

“Api lelo mwimilile pa manso yakwe Yawe Leza winu, mwemwe mwensi. Muli pali pamwi ni ntunguluzi na yacilolo inu na onsi yonsi,

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.

2 Milandu 31:21

Vyonsi vino wacitanga mu milimo yakutumikila mu Ng'anda ikulu yakwe Yawe nu mukuyela amasunde, wavicitilanga apakulonda Yawe Leza nu mwenzo wakwe onsi. Ali cino wakwatanga ulongo muli vyonsi kwene.

Malango 5:3

Wene atapangine upangano uwo ni vikolwe vitu sile, lelo naswe kwene kumwi swemuno tucili apuma ilelo.

Malango 31:12

Muce mwakonganika antu yonsi, aonsi na anaci nga na ana kwene kumwi na inamasi akaikala mu misumba inu, pakuti yakayuvwile alino yasambilile ukoopa Yawe Leza winu nu kuya atekele pakulondela amazwi yonsi amwi sunde lii.

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.

Yoswa 24:1

Lyene Yoswa akonganika antu amu mitundu yonsi ya ina Izlaeli ku Syekemu. Aama aikolo, ni ntunguluzi, na yakapingula nga na yamusika yonsi ya ina Izlaeli, nga nayo yiiza yimilila pa manso yakwe Yawe.

2 Milandu 20:13

Insita kwene ilya ala antu yonsi pyu a mpuka yakwe Yuda yatiyimilila pa mulola wakwe Yawe pamwi na aci yao na ana yao akulu na anono kwene.