Malango 28:8 - Amazwi Yakwe Leza 2013

⁸ “Yawe Leza winu alapolelela imilimo inu, alazuzya ivyakulya mu nkoma zinu. Wene alamupolelela mu mpanga ino akumupeela.

Malango 28:8 交叉參考

Malango 15:10

Mulinzile ukuya antu ya wila kunoli ukwaula ulusoko, nga Yawe alamupolelela mu milimo inu yonsi.

Aina Levi 26:10

Uzombozi winu ukaaya uvule cuze cakuti mukaakwata ivyakulya mwaka onsi. Lelo nalyo kwene mukaasumba sile kuulu uwamu nkoma zinu kuti musyale ncende ya vyakulya vicice.

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Luka 12:18

Alino aivwanzya ati, ‘Ndacita cii, ndomolola inkoma zyane zyonsi nu kukuula zyuze zikulu, muno ndiika ivyakulya vyane ni vyuma vyane vyonsi.’

Mateo 6:26

Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?

Masamu 42:8

Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.

Aina Levi 25:21

Yawe alapolelela impanga iyo mu mwaka uwalenga mutanda cakuti ilamupeela ivyakulya ivingi vyakulingana nu kulya pa myaka iili.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Masamu 144:13

Inkoma zitu nazyo, kazizuule ni vilyo vya misango ili yonsi. Imfwele zitu nazyo kazivyalane amazimbi na mazimbi umu vyalo vitu.

2 Yamwene 6:27

Umwene waku Izlaeli nawe amunena ati, “Ndi cakuti Yawe aliwe atakwazwilizye, uzye aukwi kuno nemo ningafumya icakukwazwa? Uzye uku lwano lwa kupuulila nanti ukwakufenela amatingi kwasyalako cimwi?”

Mateo 13:30

Lekini vyonsi vikulile pamwi kufika ku uzombozi. Pa nsita ilya ndanena azombozi inti, mutandike kwipa kalolo, mumukolonganike nu kumunyepa mu myanzi, nu kooca mu moto. Alino lyene mukolonganike ingano nu kuzisezya mu nkoma.’ ”

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Malango 15:4

“Yawe Leza winu alamupolelela mu mpanga ino akumupeela kuti iye iyakwinu. Kusi nanti wenga uwamu antu inu alaya umupina

Malango 28:7

“Yawe alamucimvizya anisi inu lino yalamuzanza. Yene yalamuzanza ukufuma mu ntunga zyonsi, lelo yalutuka ku ntunga zyonsi.

Malango 28:20

“Ndi cakuti mwacita iciipe mwasangukila Yawe, ale lyene alamuponyezya uzanzo, ni cimvulunganya, nga ni ntazi muli vyonsi vino mulacita, mpaka lyene muce mulowe pyu.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Masamu 128:2

Wene alalya vino amakasa yakwe yaomvile, alasansamuka nupya ivintu vilamuzipila wakwe cimwi.