Malango 28:51 - Amazwi Yakwe Leza 2013

⁵¹ Yaliza yamulile iviteekwa ni vyakulya vinu kwene, mpaka mukafwe ku nzala. Yene yatalamusila imbezu, nanti waini, nanti amafuta ya miolivi, nanti ing'ombe, nanti imfwele, mpaka mwemo mukafwe.

Malango 28:51 交叉參考

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Yelemiya 17:3

alino na papela ya mwamba usanzuke. Ivyuma vyako vyonsi vino mwatuulika ndaleka visampwe. Vilaya wa malipo apa maifyo inu muno mpanga yonsi.

Yelemiya 15:13

Yawe avwanga kunondi ati, “Ndatuma anisi kuti yasampe ivyuma vya antu yane, pakuti njavunuke apa maifyo yano yacita mu mpanga yonsi.

Ezaya 1:7

Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Malango 28:50

Antu yaya akakate nupya nanti uluse yatakwata ku muntu ali wensi, cisi cimwi aye umwance nanti uwikolo.

Malango 28:52

Yene yalazanza imisumba yonsi iyaya mu mpanga ino Yawe Leza winu akumupeela, nupya na malinga kwene atali yano mwataila yalaongoloka.

Ezekelo 25:4

Pamulandu wakuti mwemo mwatemwa, nani ndaleka ukuti antu amitundu iyaya mu lwanga iyaku ufumondaka yakize yakamucimvye. Mu mpanga inu yaliza yakuulemo insakwe, nu kwikala amuno yakikale. Yaliza mu kumuliila ivyakulya nu kumumwela iziya.

2 Yamwene 25:10

Lyene ivita vyakwe, ivyatungululwanga na musika mukulu uwa vita, iyatulola ilinga lya musumba ulya uwa Yelusalemu.

Nyimbo zya ndosya 4:9

Yayo akomilwe ku lupanga yasyusile wakwe cimwi ukuluta yano yafwile pacisila, yayo yongokanga panono panono, apa kuulilwa ivyakulya kuti yaye nu umi.