29 Nanti ilanzi liwale uli mwemo mulapulupunta wa ntonko ikupita usiku. Mutalatala muye nu longo mu vintu vyonsi vino mulapanga ukucita. Yalamufyengelekezya nu kumwiya insita zyonsi, nga kutalaya umuntu nanti wenga uwa kumwazwa.
Tukapulupunta sile wa mpafu. Ilanzi umutwe pakasi ala swemo tukupulupunta sile kwati watiwila, ungati tuli mu mpanga ya afwe umwafita fititi.
Nanti sile umusanya apakasi, yangatandika ukupulupunta kwati umu kanda.
Nupya kwene aina Izlaeli iyiifya pa manso yakwe Yawe. Caleka Yawe ayapeela mu makasa ya ina Filisti pa myaka amakumi yani.
Pa myaka cinani yene yatitikizye nu kuzunya aina Izlaeli yonsi aikalanga mu mpanga ya ina Amoli lwaku ufumondaka wa Luzi lwa Yodani umu Gileadi.
Egiloni umwene waku Moabu ateeka aina Izlaeli pa myaka ikumi na cinani.
Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.
Pitini nao mukaisangulule kulingana nu lutambi, uyalipilile pakuti yakayapele inyele ku mitwe yao. Mu musango uu, umuntu wensi alamanya ukuti musi cumi mu vintu vyonsi vino vyalandwa pali wewe, lelo ukuti wemwisikulu wikala kulingana na Masunde yakwe Mose.
Yawe wavwanzile ati, “Nemo ndaponyezya antunze impungo, cakuti yene yalapuputa wa mpafu, pano yene yiifya kunondi. Uwazi wao ulakonkoloka wakwe mulamba, ni vyala vyao vilaolela apambiliwili wakwe citindi.”
Ali cino imyenzo itu yatemboka na pa manso itu pali akanda, pamulandu na minsozi,
Azya ayano yakututeeka, nga kusi nanti umwi uwa kututuula kunoyali.
Aleka nu kuti yalukupulupunta umu kanda umwaula uluswepo, cakuti iyalukutalawanta wa antu ati yakoleka.”
Ivikufuma umu mpanga itu kwene vyene vikuya kuli yamwene yano lyene watupeela kuti yatuteeka pamulandu wa kwifya kwitu. Lyene yakuicitila consi cino yatemwa apa mili itu napa viteekwa vitu. Iye mwe! Ala tucule!”
Lyene yapafuzya antu yonsi ali panzi kuti yatalola mulyango wa ng'anda.
Nupya Yawe anena Mose ati, “Konzolola ikasa lyako usonte mwi yulu, pakuti uleke kuye imfinzi ikome fititi ino imaandatila impanga yonsi ya Eguputo.”
Yawe alaleka mupene, mupafule nga nu kuvulungana.
Uvwini impooma zya antu mu Zioni, zikuti, “Owe mwe, lyene casila twalowa! Owe mwe, vino twazewana! Tulinzile twasya impanga itu. Pamulandu wakuti amang'anda itu yatiyaongololwa.”
Yene yapulupuntanga wa mpafu umu miseo, ala yatiyakandana uwazi cakuti wensi ala akoopa ukuyalemamo.
