Malango 28:27 - Amazwi Yakwe Leza 2013

²⁷ Yawe alamuponyezya ivipute wakwe vino waponyizye pa ina Eguputo. Alalenga ni mili inu kupuuka ivilonda. Mulakwata impele izilamusanga wakwe cimwi, lelo kutalaya icakumupozya.

Malango 28:27 交叉參考

1 Samueli 5:6

Alino lyene Yawe avunuka aina Asyidodi wakwe cimwi nu kuleka yuvwe intete sana. Wene wayavunwike apakuyaponyezya ivipute kumwi na antu amu tumisumba tonsi utwazingulwike.

Malango 28:35

Yawe alalenga kuti ivilonda vipuuke konsi ku makulu inu, vinakasambo ivitalatala vipole, alino ni vipute ukutandikila sile ku tuntunta mpaka nu ku mitwe inu.

Aina Levi 21:20

nanti akweti ulema wa ng'ongo nanti mutuze nanti akweti ulema wi linso nanti tembwe nanti a mutungwi kwene.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 9:9

Itwi lilasalangana wa lukungu mu mpanga yonsi ya Eguputo. Lilalenga antu ni nyama ukuya ni vipute vino ivikalepuka viya ivilonda.”

Ezaya 3:17

icilaleka ukuti Yawe ayaletela yamuseela uku mitwe yao. Yawe alaleka yakwate amapala.”

Masamu 78:66

Wazinganya anisi yao yaswilila mwenemo. Ali pakucimba vivyo kwene, ni nsonyi zyayalema.

1 Samueli 5:12

Na yao apuswike ku kukanafwa yalwile ivipute, nga na antu yakuta kuli yaleza yao kuti yayatuule.

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

Kufuma 9:11

Amamanyamano yatakweti maka yakulolekela ku manso yakwe Mose pamulandu wakuti nayo kwene vipute vyali umwili onsi, wakwe vino cali ku ina Eguputo yonsi.

Malango 7:15

Yawe alamucingilila ku ndwala zyonsi. Wene atalamuletela indwala izyakoofya izili zyonsi wakwe zino mwailolile mu Eguputo, lelo wene alazileta pa anisi inu yonsi.

Malango 28:28

Yawe alaleka mupene, mupafule nga nu kuvulungana.

Amosi 4:10

“Namuponyezizye impungo ya ndwala wakwe ilya ino naponyezizye aina Eguputo. Nakomisizye alumendo inu umu nkondo, natungulwile ni mfwalasi zinu uku anisi inu. Namununsyanga ni fungo lya vyala ilyafumanga mu nkambi ya asilika. Lelo mutawezile kunondi. Avino Yawe wavwanga.

Kufuma 9:10

Caleka yatapula itwi nga yaya yimilila pa manso yakwe Falao. Lyene Mose asumba itwi mwi yulu, nga lilyo kwene antu ni nyama yalwala vipute vino vyasangwike viya vilonda.