14 Lelo mutakezye ukukana yela amalamulo yaa mu musango uli onsi nanti ukupepa nu kuombela tuleza tuze.
Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”
“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.
“Muce mutekele pano limwi mungaca musombwe pakuti mumfutatile nga mukaapepa nu kutumikila tuleza tuze.
Yosiya wacitanga ivintu ivisuma pa manso yakwe Yawe, ndi vino Davidi icikolwe cakwe, wacitanga. Walondelanga amasunde yakwe Yawe nu mwenzo wakwe onsi.
Acino fwandi mwaikomelezya nu kutekela pa kulondela vyonsi ivyalembwa mu lupapulo lwa Masunde yakwe Mose, ukwaula kusya nanti cimwi.
Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.
Swemo twakusangukila. Tutayela amalamulo yako, ni vipope pamwi na masunde yano wapile umuomvi wako Mose.
