Malango 28:1 - Amazwi Yakwe Leza 2013

¹ “Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 28:1 交叉參考

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Kufuma 23:22

Lelo ndi muvwila wiyo kwene nu kucita vyonsi vino akumunena, lyene Nene kwene tulapatana na anisi inu, nupya wensi wino wapata mwemwe tulalozyanya nawe.

Yoane 15:14

Mwemwe yacuza yane ndi mukucita vintu vino namunena.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

Malango 15:5

ndi cakuti mwayela amasunde yakwe Yawe Leza winu nu mwenzo onsi nga nu kulondela ningo amalamulo yakwe yano nkumupeela apilelo.

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Yelemiya 17:24

Ali cino fwandi Yawe walanda wati, “Nena antu yaa ukuti yalinzile kuyela masunde yane yonsi. Yatalinzile kusenda iciviya cinyome cili consi apa mpongolo zya musumba wa Yelusalemu pa wanda wi Sabata. Yalinzile kucindika wanda wi Sabata nu muzilo nupya yatalinzile kuombamo umulimo uli onsi.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Masamu 106:3

Yasyuka akasunga vino akapingula, akacita pe ivilungame!

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Masamu 148:14

Wene walenga antu yakwe ukuya na maka, apakuti aswepe yakwe yonsi yamulumbanya. Ali ina Izlaeli, yano watemwisya wakwe cimwi! Lumbanyini Yawe!

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Masamu 119:6

Ndi caya vivyo intange indemwe ni nsonyi, lino nkulolekesya apa vyeo vyako vyonsi.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Malango 11:27

upolelelo umaya uwakwinu ndi mumayela amalamulo yakwe Yawe Leza winu yano nkumupeela ilelo.

Malango 28:13

Yawe Leza winu alamucindamika muye intunguluzi pakasi ka antu amu nko zyuze, nga lelo mwemo mutalayalondela icisila. Insita zyonsi mulaya alongo nga nupya mutalatala muposiwe, cikulu sile mwayela amalamulo yonsi yano nkumupeela ilelo.

1 Milandu 14:2

Acino Davidi wamanyile ukuti Yawe watamulasika pa cilimba ca wene waku Izlaeli, nu kuti Yawe watapeela uwene wakwe ulongo pakuti cizipile antu yakwe aina Izlaeli.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.