Malango 27:20 - Amazwi Yakwe Leza 2013

²⁰ “ ‘Katipwe kuli Leza wiyo wensi alalala na nyina wino isi watwala, pano kuko ukuzewanya so.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 27:20 交叉參考

Malango 22:30

“Kusi umuntu umwi uwa kwezya kumanya umusanzi wakwe isi, pano ale wacita isiku kuli isi.”

Aina Levi 18:8

Utazewanya so pakulongozya na aci yakwe yauze.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

Aina Levi 20:11

Monsi wensi wino walongozya na wenga uwamu aci yakwe isi, ala wazewanya isi. Oili umonsi nu mwanaci yalinzile ukukomwa. Ala yaikoma aisikulu.

Amosi 2:7

Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Ezekelo 22:10

Yamwi yakalongozya na yamuka yaisi. Yamwi nayo yakapatikizya anaci pakuti yalongozye nayo pa nsita ino yali ku mpepo.

1 Milandu 5:1

Yaa ana yakwe Lubeni, umwana iyeli lyakwe Izlaeli. Endi, Lubeni wali umwana iyeli, lelo lino walongwizye na nyina munono, uyeli wakwe wapilwe ku ana yakwe Yosefu umwana wakwe Izlaeli. Acino wene atatantikwe pa mazina alembwa akulondekana nu uyeli wakwe.

2 Samueli 16:22

Acino iyimikila Abusalomu itaalu api paala li sano, nga nawe amanyana na aci yauze yakwe isi pa manso ya ina Izlaeli yonsi.

Utandiko 49:4

Uli wa luzi lwa mukuku, lelo utalacindama ukuluta anyonko. Pamulandu wakuti walongwizye nu muci wane namuze nga nu kusaalula musanzi wakwe so.

Utandiko 35:22

Lino Izlaeli acili akwikala mu mpanga ilya, Lubeni acita ulenzyo na Bilaa, wenga uwamu aci nayauze yakwe Isi. Izlaeli auvwa mulandu uu, akalipa cuze. Yakobo wakweti ana aonsi ikumi na yaili.

Aina Levi 18:7

Utazewanya so pakulongozya na nyoko. Utalinzile kuzewanya nyoko pano wene anyoko.

Malango 23:1

“Umuntu wensi wino yatungula, nanti wino yaputula uonsi, asi wakuminkanya mu antu yakwe Yawe.