Malango 27:19 - Amazwi Yakwe Leza 2013

¹⁹ “ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 27:19 交叉參考

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mapinda 17:23

Umwipe akapoka amafukakanwa, afisa umwilaya lyakwe, ali pakunyonganika upinguzi.

Mika 3:9

Uvwini vii, mwe ntunguluzi zya amu mupanda wakwe Yakobo, mwe muno mukateeka aina Izlaeli, mwe muno mukasuula ulungami nu kolonganya vyaololoke.

Mapinda 31:5

Pano limwi ndi yamwa, yangakoleka icakuti yilile vino yangapingula, yasuule ni nsambu zyakwe yayo akucula.

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Aina Levi 19:33

“Mutazunya ainamasi yano yakwikala mu mpanga inu.